file pic
पोखरा- मंगलबार पोखरा आईपुगेको राष्ट्रिय फुटबल टोलीले बिहीबारदेखि पोखरा रंगशालामा प्रशिक्षण शुरु गरेको छ ।
बिहीबार दिउँसो टोलीले प्रशिक्षण शुरु गरेको हो । प्रशिक्षणमा कप्तान किरण चेम्जोङ तथा प्रशिक्षक अब्दुल्लाह अल्मुताईरी भने उपस्थिति रहेनन् । दुवै जना विहीबार नै पोखराबाट काठमाडौं प्रस्थान गरेका थिए ।
अखिल नेपाल फुटबल संघ(एन्फा)का वरिष्ठ उपाध्यक्ष पंकज विक्रम नेम्वाङ र नेपाली राष्ट्रिय फुटबल टिमका मुख्य प्रशिक्षक अल्मुताइरीबीचको विवादको समााधान गर्न गठित समितिले छानविन शुरु गरेको थियो । छानविनकै क्रममा चेम्जोङ र अल्मुताईरीको बयान लिइएको हो ।
पोखरामा राष्ट्रिय फुटबल टोलीले दुईसाता प्रशिक्षण गर्ने छ । प्रशिक्षण पछि नेपाली टोलीले भारतसँग मैत्रीपूर्ण अन्तराष्ट्रिय प्रतिस्पर्धा गर्ने छ । त्यसपछि माल्दिभ्समा हुने साफ च्याम्पियनसिपको लागि टोलीले प्रस्थान गर्ने छ । सहायक प्रशिक्षक किरण श्रेष्ठले टोलीलाई प्रशिक्षण गराएका थिए ।
स्वागतमा फुटबल संघको पदाधिकारीको अनुपस्थिति
गत मंगलबार पोखरा ओर्लिएको फुटबल टोलीको स्वागतार्थ कास्की जिल्ला फुटबल संघका पदाधिकारीको उपस्थिति भने देखिएन् । संघका अध्यक्ष मिलन गुरुङ बाहेक अन्य संघका पदाधिकारी कुनै पनि उपस्थिति भएनन् । अन्य पदाधिकारीको अनुपस्थितिले फुटबल संघ भित्र आन्तरिक तिक्तता रहेको प्रष्टिएको छ ।
आर्थिक पारदर्शीता नभएको एवं फर्जी चेक काण्डमा संघका अध्यक्ष गुरुङ फसेपछि संघभित्र तिक्तता पैदा भएको थियो । अखिल नेपाल फुटबल संघ(एन्फा)ले आर्थिक पारदर्शिताको प्रश्न सर्वत्र उठेपछि छानविन गरेपछि छानविनको रिपोर्ट गुपचुपमै राखिएको छ । यसले गर्दा पनि संघका पदाधिकारी र अध्यक्ष बीच मेलमिलाप हुनै सकेको छैन् । संघका अन्य पदाधिकारी सम्पर्कमा समेत आउदैनन् ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-पोखरा क्रिकेट एकेडेमीको आयोजनामा शुक्रबारदेखि पोखरामा छैटौँ संस्करणको ब्रेकिङ बाउन्ड्रीज छात्र÷छात्रा अन्तर विद्यालय टी–ट्वान्टी क्रिकेट प्रतियोगिता सुरु भएको छ । किडासा फाउण्डेशन र एमसिसीको सहयोग, कास्की जिल्ला क्रिकेट संघ र गण्डकी प्रदेश क्रिकेट संघको प्राविधिक सहयोगमा शुरु प्रतियोगिता…