खेल संघ सूचीकरण गर्न महानगर खेलकुदको आग्रह

पोखरा-महानगर खेलकुद विकास समिति पोखराले भदौ अन्तिम साताभित्र विभिन्न खेलसंघलाई सूचीकृत हुन सार्वजनिक सूचना जारी गरेको छ । महानगर खेलकुद विकास समितिले खेलकुद सम्बन्धी क्रियाकलाप सञ्चालन तथा आयोजना गर्ने प्रायोजनका खेल संघ, क्लब तथा संस्था दर्ता सूचीकरण गर्न आग्रह गरेको हो ।

समितिले भदौ २५ गतेभित्रमा दर्ता सूचीकरण गर्ने आग्रह गरेको महानगर खेलकुद विकास समितिमा सदस्य सचिव सुवास खड्काले जनाएका छन् ।

भदौ २५ भित्रमा महानगरपालिका खेलकुद विकास समितिको कार्यालय शिक्षा महाशाखा ड्यामसाईडमा सूचीकरण गर्नुपर्ने छ । पोखरामा विभिन्न खेलका ३६ वटा संघ छन् । क्लबहरु पनि सक्रिय नै छन् ।