जोकोभिचलाई हराउँदै मेदभेदेवले जिते यूएसओपनको उपाधि

एजेन्सी । नोभाक जोकोभिचलाई पराजित गर्दै रसियन खेलाडी डानिल मेदभेदेवले यूएस ओपन टेनिसको उपाधि उचालेका छन् ।

करियरको पहिलो उपाधि उचाल्ने क्रममा मेदभेदेवले पहिलो ग्रान्डस्लाम उपाधि उचालेका हुन । विश्व वरियताको दोस्रो नम्बरमा रहेका मेदभेदेव पछिल्ला दुई खेलको उपाधि नजिक पुगे पनि स्तब्ध भएका थिए ।

मेदभेदेवले जोकोभिचलाई ६–४, ६–४ र ६–४ को सेटमा पराजित गरेका हुन । विश्व नम्बर एक जोकोभिचले यस वर्ष अष्ट्रेलियन ओपन, फ्रेन्च ओपन र विम्बल्डनको उपाधि जितेका थिए ।

३४ वर्षिय सर्वियन खेलाडी कीर्तिमानी २१ औं ग्रान्डस्लामको नजिक थिए । तर स्तब्ध हुन पुगे । उपाधि जितेको भए जोकोभिचले रोजर फेडेरर र राफेल नाडाललाई मुख्य उपाधिमा पछि पार्ने थिए ।