गण्डकी प्रदेशबाट नवौंको लागि गल्फर छनोट

- खेलाडी न्युज, पोखरा


     खेलाडी न्युज    
     भाद्र २६ गते २०७९ मा प्रकाशित


पोखरा-आगामी नवौ राष्ट्रिय खेलकुद प्रतियोगिताको लागि गण्डकी प्रदेश महिला तथा पुरुष गल्फ टोली छनोट गरिएको छ । दुईदिनसम्म भएको प्रतिस्पर्धामा पुरुष तर्फ ९ जनाले सहभागिता जनाएका थिए । महिला तर्फ ३ जना मात्रै थिए । तीनै जना छनोट भएका छन् ।

हिमालयन गल्फ कोर्षमा भएको छनोट प्रतिस्पर्धाबाट पुरुष तर्फ अजित बि क,सुदिप तामाङ ,सुरेश तामाङ ,रोशन बि क रहेका छन् । त्यसैगरी महिला तर्फ जुनि गुरुङ, टीका गुरुङ, निता राणा रहेको कास्की जिल्ला गल्फ संघका अध्यक्ष मेजर लच्छिमीप्रसाद गुरुङले जानकारी दिए । छनोट भएको खेलाडीहरुको नाम गण्डकी प्रदेश खेलकुद परिषदमा पठाईएको छ ।