पोखरा–नवौंं राष्ट्रिय खेलकुद प्रतियोगिता अन्तर्गत पोखरा–२५ हेमजास्थित गौरीशंकर खेल मैदानमा ढिलो गरी पुरुष हक्कीको खेल शुरु भएको छ ।
गण्डकी प्रदेशले उदघाटन खेल त्रिभुवन आमीलाई ४–० गोल अन्तरले पराजित भएको छ । ९ औं मिनेटमा आर्मीका लागि राजेन्द्र कार्कीले गोल गर्दै अग्रता दिलाए । दोस्रो गोल पनि उनलै गरे । २८ औं मिनेटमा कार्कीले दोस्रो थप्दै अग्रता दोब्बर बनाए ।
३७ औं मिनेटमा प्रदीप राजवंशीले गोल गरेपछि आर्मी ३–०ले अगाडि बढ्यो । अन्तिम गोल भने खेलको ४२ औं मिनेटमा रोमन रानाले गर्दै आर्मीलाई फराकिलो जितको हकदार बनाए । मैदान ढिलो तयार हुदाँ प्रतियोगिताको उदघाटन निर्धारित समय भन्दा निकै ढिला भएको थियो । उदघाटन र दोस्रो खेल मैदानकै कारण ढिलो भएपछि खेलतालिका अनुसार तेस्रो खेललाई उदघाटनको रुपमा शुरु गरिएको नेपाल हक्की संघका उपाध्यक्ष हिमाल खड्काले जानकारी दिए ।
उदघाटन विहान साढे सातबजे शुरु गर्ने भनिएपनि मैदान तयारमा समस्या भएको थियो । प्रतियोगिताको उदघाटन युवा तथा खेलकुद मन्त्री महेश्वरजंग गहतराजले गरेका थिए ।
पोखरा- नयाँलिपि न्यूज डटकमको आयोजनामा आगामी असोज २ र ३ गते पोखरामा हुने गण्डकी प्रदेशस्तरीय ‘मिडिया कप फुटसल प्रतियोगिता–२०८३’ को सहयोगीमा हिमश्री फुड्स प्रालि सहयोगी भूमिकामा जोडिएको छ । हिमश्रीका निर्देशक प्रकाश केसीले मिडिया कपमा प्रालिको साथ रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…