नवौं राष्ट्रिय खेलकुद प्रतियोगितामा आर्मी च्याम्पियन, गण्डकी चौथो

पोखरा-नवौं राष्ट्रिय खेलकुद प्रतियोगिता बिहीबार साँझ अबेर समापन गरियो । नेपाल आर्मी च्याम्पियन बन्यो । पोखरामा भएको राष्ट्रिय खेलकुदको मेलामा आर्मीले १७२ स्वर्ण पदक जित्नै च्याम्पियन बनेको हो । च्याम्पियनसँगै आर्मीले राष्ट्रिय प्रतियोगिताको च्याम्पियनसीप ट्रफी(रनिङ शिल्ड) उचाल्यो ।

आर्मीले १ सय ७२ स्वर्ण सहित १ सय ९ रजत ८९ कास्य पदक जित्यो । सातौं र आठौं संस्करणमा समेत च्याम्पियन बनेको थियो । यद्यपी च्याम्पियनसीप ट्रफी भने नवौं संस्करणमा बनाईएको हो । ६४ स्वर्ण ७३ रजत र ८१ कास्य सहित २ सय १८ पदक सहित शसस्त्र प्रहरी बलको एपिएफ क्लव दोश्रो, ६१ स्वर्ण ६१ रजत र ७३ कास्य पदक सहित १ सय ९५ पदक सहित नेपाल प्रहरी क्लव तेश्रो भएको छ ।

गण्डकी प्रदेश चौथो मात्रै बनेन् । प्रदेश च्याम्पियन समेत बन्यो । गण्डकीले ३२ स्वर्ण, ३१ रजत ५७ कास्य सहित १ सय २० पदक सहित समग्रमा चौथो भयो । बागमती प्रदेशले २४ स्वर्ण ४७ रजत र ७४ कास्य पदक सहित १ सय ४५ पदक सहित पाँचौं स्थानमा रहेको छ ।

प्रदेश नं १ ले १० स्वर्ण २३ रजत र ५० कास्य पदक सहित छैटौं भएको छ । १० स्वर्ण, १० रजत ४३ कास्य सदक सहित सुदुरपश्चिम प्रदेश सातौं, एनआरएनए १० स्वर्ण ९ रजत ७ कास्य पदक सहित आठौं, ६ स्वर्ण २२ रजत र ४० कास्य पदक सहित लुम्बिनी प्रदेश नवौं स्थानमा रहेको छ । मधेश प्र्रदेश दशौं स्थानमा र कर्णाली प्रदेश अन्तिम तथा एघारौै स्थानमा रहेको छ । मधेश प्रदेशले ५ स्वर्ण ८ रजत र २६ कास्य पदक जित्दा कर्णाली प्रदेशले २ स्वर्ण ४ रजत र १२ कास्य पदक जितेको हो । शुरुमा ४ सय ४ स्वर्ण पदकमा प्रतिष्प्रर्धा हुने घोषणा गरिए पनि प्याराग्लाईडिङ, पौडी र आर्चरीमा २÷२ स्वर्ण पदक र स्क्वास र सफ् टेनिसमा एक एक स्वर्ण पदकको इभेण्ट्स स्थगित भएको प्रविधिक संयोजक हिमाल दाहालले बताए । गण्डकी प्रदेशका ८ जिल्लामा उक्त प्रतियोगिता भएको हो भने सुटिङ र पुरुष क्रिकेट काठमाण्डौंमा भएको थियो ।