मुआथाई सेमिनारको लागि नेपाली टोली त्रिपुरा प्रस्थान

काठमाडौं-नेपाली मुआथाई टोली भारतको त्रिपुरा अग्रतलामा आयोजना हुने प्रथम दक्षिण एशियाली मुआथाई सम्मेलन सहभागि हुन प्रस्थान गरेको छ । भारतमा आगामी डिसेम्बर १५ देखि १७ गतेसम्म हुने सम्मेलनमा नेपाल मुआथाई संघका खेलाडी तथा प्रतिनिधि मंगलबार प्रस्थान गरेका हुन् ।

सम्मेलनमा विशेष गरी दक्षिण एशियाली मुआथाई महासंघको अधिवेशन, रेफी तथा प्रशिक्षक सेमिनार लगायत साम फाईट नाईट समेत हुने जनाइएको छ । सम्मेलनमा महासचिव सुदिप पण्डित, तुलसी थापा मगर र योगकुमार थापाले सहभागिता जनाउने संघका कार्यबहाक अध्यक्ष सम्पन्न श्रेष्ठले जानकारी दिए ।

उनका अनुसार रेफ्री सेमिनारमा संघका पण्डित, महिला प्रतिनिधि तथा प्रशिक्षकमा थापामगर र योगकुमारले साम फाईट नाईटको ६७ केजी मुख्य इभेण्टमा प्रतिस्पर्धा गर्ने छन् । फाईट नाइटको मुख्य इभेण्टको पुरस्कार राशी १५ सय अमेरिकी डलर रहेको छ । टोलीलाई कार्यबहाक अध्यक्ष श्रेष्ठले विदाई गरेका थिए ।