पोखरा-गण्डकी प्रदेश भलिबल संघको आयोजनामा प्रथम गण्डकीस्तरीय पुरुष भलिबल प्रतियोगिता बुधबारदेखि पोखरा रंगशालामा शुरु हुदैं छ । नेपाल भलिबल संघ स्वीकृति तथा गण्डकी प्रदेश खेलकुद परिषदको समन्वयमा आयोजना हुने प्रतिस्पर्धामा गण्डकी प्रदेशका ११वटै जिल्लाको सहभागिता रहने गण्डकी प्रदेश भलिबल संघका महासचिव टहलसिंह थापामगरले जानकारी दिए । कास्की, तनहुँ, स्याङजा,बाग्लुङ, पर्वत, म्याग्दी, लमजुङ, नवलपुर, मनाङ र मुस्ताङ जिल्लाको सहभागिता रहने छ ।
पोखरा रंगशाला भलिबल कोर्टमा हुने प्रतिस्पर्धा बेष्ट अफ फाईभमा खेलाईने छ । प्रतियोगिताका संयोजक एवं उपाध्यक्ष रमेश रानाका अनुसार प्रतियोगिता लिगमा खेलाईने छ । प्रतियोगिताको विजेताले २ लाख नगद पुरस्कार प्राप्त गर्ने छन् । उपविजेताले नगद १ लाख रुपैयाँ पाउँदा तेस्रो र चौथो(सान्त्वना) हुने टोलीले पनि ५० हजार र २५ हजार रुपैयाँ प्राप्त गर्ने छन् ।
सर्वोत्कृष्ठ खेलाडीले २० हजार रुपैयाँर राशीको पुरस्कार प्राप्त गर्ने छन् । त्यस्तै उत्कृष्ट सर्भर, सेटर, ब्लकर, लिब्रो, स्पाईकर र प्रशिक्षकले जनही १०÷१० हजार रुपैयाँ प्राप्त गर्ने छन् । विभिन्न जिल्लाले प्रतियोगिताको लागि टिम छनोट गरिसकेको छ । बुधबारदेखि शुरु हुने प्रतियोगिता पुस १० गतेसम्म चल्ने छ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-पोखरा क्रिकेट एकेडेमीको आयोजनामा शुक्रबारदेखि पोखरामा छैटौँ संस्करणको ब्रेकिङ बाउन्ड्रीज छात्र÷छात्रा अन्तर विद्यालय टी–ट्वान्टी क्रिकेट प्रतियोगिता सुरु भएको छ । किडासा फाउण्डेशन र एमसिसीको सहयोग, कास्की जिल्ला क्रिकेट संघ र गण्डकी प्रदेश क्रिकेट संघको प्राविधिक सहयोगमा शुरु प्रतियोगिता…