
पोखरा-हिमालयन गल्फ क्लबको यो सेप्टेम्बर महिनाको मन्थ्ली मेडलको उपाधि ईन्जिनियर सन्तोष गुरुङले जितेका छन् । पोखरा–१४ छिनेडाडाँस्थित हिमालयन गल्फ कोर्षमा शनिबार भएको प्रतिस्पर्धामा ईन्जिनियर गुरुङले ३५ स्कोर बनाउँदै उपाधि आफनो नाममा लेखाए ।
३/४ ह्याण्डीक्याप फर्रम्याटमा खेलाईएको प्रतिस्पर्धामा २२ जना पोखरेली गल्फरले प्रतिस्पर्धा गरेका थिए । लेफ्टिेन्टकर्णेल याम राना उपविजेता बने । उनले ३२ स्कोर बनाए । क्याप्टेन हरि राई तेस्रो स्थानमा आए । उनले ३१ स्कोर गरेका थिए ।
ग्रस तर्फको पुरस्कार भने मेजर मदन गुरुङले जिते । उनले २८ स्कोरसहित पुरस्कार प्राप्त गरेका हुन् । पोखराको हिमालयन गल्फ कोर्षमा मासिक रुपमा प्रतियोगिता आयोजना हुदैं आएको छ । पार ६९ को १८ होलमा गल्फरले प्रतिस्पर्धा गरेका थिए । विजेता गल्फरलाई मेजर विजय मोक्तानले ट्रफी प्रदान गरेका थिए ।


पोखरा-अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी(२० छनोट प्रतियोगिता आईतबार भएको खेलमा कास्कीले बागलुङलाई ८९ रनको फराकिलो जित निकालेको छ । खेलमा बागलुङकी कप्तान संरचना गिसी तामाङले टस जितेर पहिले फिल्डिङ गर्ने निर्णय गरेकी थिइन्। पहिले…