जिल्ला खेलकुद विकास समिति कास्कीको अध्यक्षमा मिलन

पोखरा-जिल्ला खेलकुद विकास समिति कास्कीको अध्यक्षमा मिलन गुरुङ नियुक्त भएका छन् । कास्की जिल्ला फुटबल संघका पूर्व अध्यक्ष समेत रहेका गुरुङलाई गण्डकी प्रदेश मन्त्रीपरिषदले अध्यक्षमा गरिएको सिफारिसलाई अनुमोदन गरेको हो ।

गुरुङले मंगलबार नै सपथ लिदैं छन् । उनलाई सामाजिक विकास तथा युथा तथा खेलकुद मन्त्री विन्दुकुमार थापाले प्रदेश खेलकुद परिषद गण्डकीको अध्यक्षको हैसियतमा सपथ ग्रहण गराउने मन्त्रीका प्रेस सल्लाहाकारले जनाएका छन् ।

मन्त्री थापाले अध्यक्षमा नवनियुक्त गुरुङलाई प्रदेश खेलकुद परिषद गण्डकीको सभाकक्षमा सपथ ग्रहण गराउने छन् । अध्यक्षको कार्यकाल चार वर्षको हुने छ ।