कास्कीमा मिलन, तिलक, अन्जु र विग्नेस पदाधिकारीमा मनोनित

पोखरा-जिल्ला खेलकुद विकास समिति कास्कीको अध्यक्षमा मिलन गुरुङसहित मनोनित आठ जिल्ला अध्यक्षले सपथ लिएका छन् । कास्की जिल्ला फुटबल संघका पूर्व अध्यक्ष समेत रहेका गुरुङलाई गण्डकी प्रदेश मन्त्रीपरिषदले अध्यक्षमा गरिएको सिफारिसलाई अनुमोदन गरेको हो । गुरुङले मंगलबार नै सपथ लिए ।

मनोनित अध्यक्षहरुलाई सामाजिक विकास तथा युथा तथा खेलकुद मन्त्री विन्दुकुमार थापाले प्रदेश खेलकुद परिषद गण्डकीको अध्यक्षको हैसियतमा सपथ ग्रहण गराए । मन्त्री थापाले अध्यक्षमा नवनियुक्त गुरुङसहित अन्यलाई प्रदेश खेलकुद परिषद गण्डकीको सभाकक्षमा सपथ ग्रहण गराएका हुन् ।

जिल्ला खेलकुद विकास समिति कास्कीमा अध्यक्ष र कोषाध्यक्ष काँग्रेसको कोटामा परेको छ । उपाध्यक्ष र सचिव भने नेकपा एमालेको भागमा परेको थियो । नेकपा एमालेको तर्फबाट उपाध्यक्षमा तिलक क्षत्री र सचिवमा अन्जु केसी मनोनित गरिएको छ ।

त्यस्तै कोषाध्यक्षमा भने काँग्रेसको तर्फबाट विग्नेस थापा मनोनित भएका हुन् । तिलक क्षत्री जिल्ला खेलकुद विकास समिति कास्कीका पुर्व सदस्य हुन भने विग्नेस थापा पनि यस अघिको कार्यसमिति सदस्य रहेर काम गरिसकेका हुन् ।