प्रदीप र नविनलाई नगदसहित टेनिस संघको सम्मान

प्रदीप खड्का र नविन मगर सम्मानित

पोखरा-कास्की जिल्ला टेनिस संघले १३ औं दक्षिण एशियाली खेलकुद प्रतियोगितामा डबल्स इभेण्टमा कास्य पदक जितेका कास्कीका टेनिस खेलाडी प्रदीप खड्का र नविन मगरलाई नगदसहित सम्मान गरिएको छ ।

संघको वार्षिक साधारण सभाको अवसरमा उनीहरुलाई जनही नगद १० हजार रुपैयाँ प्रदान गरिएको थियो ।

यसैगरी पोखरा रंगशालाभित्रको टेनिस कोर्टमा आयोजित एजीएम कप टेनिस प्रतियोगिताका अनिल साईलाई पराजित गर्दै खड्का च्याम्पियन बने । खड्काले साईलाई ६-०, ४-६ र ६-१को सेटमा पराजित गर्दै नगद ६हजार राशीको पुरस्कार थापे ।

उपविजेता साईले नगद ३ हजार रुपैयाँ प्राप्त गरे । बेष्ट प्लेयर भने विष्णु नेपाली घोषित हुदैं नगद २ हजार रुपैयाँ पाएका थिए । प्रतियोगितामा १६ जना खेलाडीको सहभागिता रहेको थियो । विजेता खेलाडीलाई विभिन्न व्यक्तित्वले पुरस्कार प्रदान गरेका थिए ।