मेदभेदेभलाई एटिपी उपाधि

उपाधि सहित मेदभेदेभ ।

एजेन्सी-डानियल मेदेभेदेभले निट्टो एटिपी टेनिस च्याम्पियन बन्दै सिजनको अन्त्य गरेका छन् । उनले लण्डनमा आयोजित आईतबार राती भएको फाईनलमा डोमिनिक थिमलाई तीन सेट खेल्दै पराजित गर्दै च्याम्पियन बनेका हुन् ।

पहिलो सेट गुमाउँदै दबावमा रहेको मेदभेदेभले दोस्रो र तेस्रो सेट आफनो पक्षमा पार्दै उपाधि उचाल्न सफल भए । कमब्याक जित निकाल्दै उत्कृष्ट लयमा देखिएका उनले सेमिफाईनलमा शीर्ष बरियताका नोभाक जोकोभिचलाई पराजित गरेका थिए । थिमले भने राफाल नाडाललाई पराजित गरे उपाधि निकट आएका हुन् ।

पहिलो सेट ४-६ को अवस्थामा मेदभेदेभले गुमाउन पुगे । दोस्रो सेटमा कमब्याक गर्न संघर्ष नै गरे । टाइब्रकेरमा पुग्यो । ७-६(२)मा आफनो पक्षमा लिएपछि खेल निर्णायक सेटमा पुग्यो ।

निर्णायक सेटमा थिमलाई ६-४ कै अवस्थामा पछि पार्दै मेदभेदेभले उपाधि आफनो लेखाए । उनले तीन साता अघि मात्रै पेरिस माष्र्टस ओपन टेनिसको उपाधि जितेका थिए ।