स्पोर्टस अवार्ड
पोखरा-आगामी सोमबार आयोजना हुने तयारी गरिएको पोखरा स्पोर्टस अवार्ड दोस्रो पटक स्थगित हुन पुगेको छ । कोरोना भाईरसको दोस्रो लहरसँगै निषेधाज्ञा लगाइएपछि पाँचौ पोखरा स्पोर्ट्स अवार्ड स्थगित गरिएको खेलकुद पत्रकार मञ्च गण्डकीले जनाएको छ । गत वर्षपनि चैतमा आयोजना गर्ने तयारी गरिरहँदा कोरोना भाईरसकै कारण लकडाउन भएपछि स्थगित गरिएको थियो ।
मञ्च गण्डकीका अध्यक्ष एकराज गिरीका अनुसार नयाँ भेरियन्टको संक्रमण फैलिरहँदा स्वास्थ्यप्रतिको गम्भीरतालाई ध्यानमा राख्दै अवार्ड अर्को सूचना नभईन्जेलसम्म स्थगित गरिएको छ । मञ्चले खेल पत्रकारलाई स्वास्थ्य मापदण्ड अपनाएर सुरक्षित साथ सञ्चारकर्ममा लाग्न समेत आग्रह गरेको छ । मञ्चले आगामी बैशाख २० गते विश्व प्रेस स्वतन्त्रता दिवसको अवसरमा प्रदान गरिने भनिएको स्पोर्टस अवार्डमा खेलाडीहरुको मनोनयन समेत सार्वजनिक गरिसकिएको थियो ।
पाचौं पोखरा स्पोर्टस अवार्ड २०७७ मा वर्ष पुरुष खेलाडीहरुमा कराँतेका नवीन रसाइली, टेबलटेनिसका विनेश खनिया र फुटबलका सुमन अर्याल मनोनयनमा परेका छन् । वर्ष महिला खेलाडीमा साइक्लिङकी जमुना थापा, तेक्वान्दोकी पार्वती गुरुङ र तेक्वान्दोकै प्रशंसा क्षेत्री मनोनयनमा परेका छन् ।
वर्ष उत्कृष्ट उदीयमान खेलाडीमा स्वीमिङकी दुवाना लामा, लनटेनिसका प्रदीप खड्का र क्रिकेटका विपिन खत्री मनोनयनमा परेका छन् । वर्ष उत्कृष्ट प्रशिक्षकमा पौडीका आनन्द कुँवर, फुटबलका किरण श्रेष्ठ र बक्सिङका सुरेश मल्ल ठकुरी मनोनयनमा परेका हुन् । यो वर्ष वर्ष पुरुष तथा महिला खेलाडीलाई नगद २ लाख रुपैयाँ प्रदान गरिने छ । अन्य विधालाई नगद ३५ हजार रुपैयाँ प्रदान गरिने छ ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
पोखरा-पोखरा अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी–२० छनोट प्रतियोगिता २०२६ अन्तर्गत भएको उद्घाटन खेलमा कास्की जिल्ला महिला क्रिकेट टोलीले नवलपुरलाई १९ रनको जित दर्ता गरेको छ। प्रतियोगिताको औपचारिक उद्घाटन गण्डकी प्रदेश खेलकुद परिषद्का सदस्य–सचिव दीपेन्द्र…