भुतपुर्व खेलाडी मञ्चको अध्यक्षमा पराजुली

पोखरा-नेपाली अग्रज खेलाडीहरुको छाता संस्था नेपाल भुतपूर्व खेलाडी मञ्चको अध्यक्ष हरिप्रसाद पराजुलीको अध्यक्षतामा नयाँ कार्यसमिति निर्विरोध चयन गरिएको छ । पोखरामा आइतबार सम्पन्न भएको मञ्चको एघारौं साधारण सभा तथा सातौं अघिवेशनले अध्यक्ष पराजुली सहितको २१ सदस्यिय कार्य समितीलाई आगामी तीन वर्षका लागि निर्वाचित गरेको हो । नव निर्वाचित अध्यक्ष पराजुली भलिबलका पूर्व अन्तर्राष्ट्रिय खेलाडी समेत हुन ।

अधिवेशनले मञ्चको प्रथम उपाध्यक्षमा दिलबहादुर गुरुङ, द्वितिय उपाध्यक्षमा खेमबहादुर गुरुङ, महासचिवमा कृष्ण तिमिल्सिना, सचिवमा केशव पाठक, कोषाध्यक्षमा महेश पौडेल र सह–कोषाध्यक्षमा हरि बहादुर बरुवाल सर्वसम्मत रुपमा निर्वाचित भएका छन ।

संस्थाको कार्यसमिती सदस्यमा याम बहादुर गुरुङ, दिनेश कुमार श्रेष्ठ, ओम बहादुर गुरुङ, भरत कुमार आले, विश्व तण्डुकार, हरिश्वर पोखरेल, पुष्पा श्रेष्ठ, इन्द्रा मल्ल, शान्ती थापा, राम बहादुर क्षेत्री, गजबहादुर गुरुङ, ज्वाला थापा, क्या. सम्मरबहादुर थापा र रमेशकुमार श्रेष्ठ निर्विरोध चयन भएका छन ।