बस्नेत र ठकुरीको जोडीलाई उपाधि

उपाधिसहित बस्नेत र ठकुरीको जोडी

पोखरा-मनकामना स्पोर्टस पोखराका बिशाल बस्नेत र प्रनिससिंह ठकुरी प्रथम रिभाईभ लिजर पार्क ओपन खुल्ला व्याडमिन्टन प्रतियोगितामा मेन्स डबल्स तर्फ च्याम्पियन बनेका छन् । उनीहरुको जोडीले राम बानियाँ र सुजन थापाको जोडीलाई निकै प्रतिस्पर्धात्मक सेटमा पराजित गदैै उपाधि जितेका हुन् ।

पहिलो सेट बस्नेत र ठकुरीको जोडीले २१–१८ ले लिदैं बानियाँ र थापाको जोडीलाई दबावमा राख्यो । तर देस्रो सेट भने बनियाँ र थापाको जोडीले आफनो पक्षमा पार्दै उपाधि प्रतिस्पर्धा निर्णायक सेटमा पुग्यो ।

कडा प्रतिस्पर्धा र रोमाञ्चक अन्तिम सेटमा पनि बस्नेत र ठकुरीको जोडीले २१–१८ मै सेट लिएपछि उपाधि पक्का बनाएका हुन् । उनीहरुले जितसँगै नगद ५० हजार राशी पुरस्कार थापे । उनीहरुलाई गण्डकी प्रदेशका निर्वतमान मुख्यमन्त्री पृथ्वीसुब्बा गुरुङले पुरस्कार प्रदान गरेका थिए ।