काठमाडौं- नेपाल ट्रायथोलन संघले स्कुलका बालबालिकालाई ट्रायथोलन सम्वन्धि विविध प्रशिक्षण प्रदान गर्दै आईरहेको छ । लिटिल डलफिन स्वीम स्कुलसंगको सहकार्यमा प्रदान गर्दै आईरहेको प्रशिक्षण कार्यक्रमको दौरान वेष्ट भेन्यु, कालोपुलमा शनिबार खेलकुद संग सम्वन्धित सैद्वान्तिक पक्षका साथै खेलाडीहरुलाई आवश्यक खुराक र त्यसको उचित प्रयोगको बारेमा ज्ञान प्रदान गरियो ।
स्कुल स्तरदेखिनै खेलाडी उत्पादन गर्ने उद्वेश्यले ट्रायथोलन संघले लिटिल डलफिन स्वीम स्कुलसंगको सहकार्यमा बिद्यालयका बालबालिकाहरुलाई विगत लामो समयदेखि सैद्धान्तिक तथा प्राविधिक ज्ञान प्रदान गर्दै आईरहेको छ । त्यही क्रममा खेलकुदसंग सम्वन्धित ज्ञान संघका महासचिव एवं प्रमुख प्रशिक्षक युवराज सुनुवारले र खेलाडीको खुराक तथा उचित प्रयोगको बारेमा बिज्ञ सुजन पन्थीले ज्ञान प्रदान गरेका थिए ।
कोभिडको महामारीको अवस्थानमा पनि सम्पूर्ण स्वास्थ्य मापदण्डलाई पालना गर्दै स्कुलका बालबालिकाहरुलाई प्रशिक्षकहरु पुष्प बज्राचार्य, शुभ श्रेष्ठ, अमिश महर्जन, राकेश बज्राचार्य, सन्दीप अर्याल (स्यान्डी), लक्ष्मण महर्जनले विगत ६ महिना देखि पौडी, साईक्लिङ्ग र दौडको प्रशिक्षण प्रदान गर्दै आईरहेका छन् । हाल प्रशिक्षणमा २० बिद्यार्थी खेलाडीहरुको सहभागिता रहेको छ ।
पोखरा-कास्की जिल्ला फुटबल संघले फिफा फुटबल फर दि स्कुल कार्यक्रम अन्तर्गत शनिबार दोस्रो चरणमा १७ विद्यालयलाई बल हस्तान्तरण गरेको छ । कास्की जिल्ला फुटबल संघको परिसरमा विभिन्न सरकारी १७ विद्यालयलाई तीन तीन वटा बल हस्तान्तरण गरिएको थियो ।…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…