पोखरा-कास्की जिल्ला क्रिकेट संघको आयोजनामा पोखरा रंगशाला क्रिकेट मैदानमा शनिबारीय क्लबस्तरीय टी–२० लिग च्याम्पियनसिप शुरु भएको छ ।
वाईनकिङ टी–२० कास्की जिल्लास्तरीय क्लब च्याम्पियनसीप प्रतियोगिताको उदघाटनमा पोखरा क्रिकेट क्लबले विजयी शुरुवात गरेको छ । पोखरा क्रिकेट क्लबले पहिलो व्याटिङ गर्दै ९ विकेटको क्षतिमा १२८ रनको योगफल तयार पार्यो । टस जित्दै व्याटिङमा उत्रिएको पोखरा क्रिकेट क्लबका अनुभवी व्याटर अनिल गुरुङले अर्धशतकीय पारी खेल्दै उत्कृष्ट इनिङ खेले । अन्तिम ओभरको अन्तिम बलमा सांग्रिला क्रिकेट क्लबका कप्तान विपिन खत्रीले बाउण्ड्रीमा क्याच गराउँदै पोखरा क्रिकेट क्लबको इनिङ्स टुग्याएका थिए ।
खत्रीको बाउण्ड्री लाईनमा क्याच अघि अनिलले चौथो नम्बरमा व्याटिङमा आउँदै ५८ रनको महत्वपूर्ण इनिङ देखाए । उनी मात्रै दोहोरो अंकको रन जोड्ने खेलाडीको सूचीमा दरिए । बलिङ तर्फ सुदिप पौडेलले तीन, राजु तामाङले तीन र विपिन खत्रीले दुई विकेट लिएका थिए ।
१२९ रनको लक्ष्य पछ्याएको सं्राग्रिला क्रिकेट क्लब जितको संघारमा पुगेर हारको नजिता भोग्न पुग्यो । १९.१ ओभरमा सबै विकेट गुमाउँदै ११३ समेटिएपछि १५ रनले पराजित हुन पुग्यो ।
कप्तान विपिन खत्रीले स्ट्राईक लिने चक्करमा सहकर्मी व्याटर विकास क्षत्रीलाई रनआउटको शिकार बनाएपछि जितको संघारमा पुगेको खेल हातबाट फुत्कियो । स्ट्राईक लिएर ठुलो सट खेल्ने क्रममा खत्री क्याच आउटभएपछि सांग्रिलाले खेलमा लय गुमाउन पुग्यो । १९.१ अोभर खेल्ने क्रममा सांग्रिलाका लागि विराट दवाडीले १६, विपिन खत्रीले १५ र अरुण अधिकारीले १३ रनको योगदान दिए । पोखरा क्रिकेट क्लबका बलर अनिष खड्काले ३ सुवास भण्डारीले २, अनिल गुरुङले २ विकेट लिए । प्रतियोगितामा पोखरा क्रिकेट क्लबका अनिल गुरुङ म्यान अफ दि म्याच घोषित भए ।
संघको नयाँ नेतृत्वपछिको पहिलो कार्यक्रम अन्तर्गत क्लबस्तरीय टी–२० शनिबारीय लिग आयोजना गरेको हो । प्रतियोगिताको उदघाटन राष्ट्रिय खेलकुद परिषदका सदस्य राजेश गुरुङले गरेका थिए । आगामी फागुन १४ गते शनिबार दुई खेल खेलाईने छ । प्रतियोगिता ९ हप्ता चल्ने छ । प्रतियोगितालाई व्यवसायिक संस्था वाईन किङले मुख्य प्रायोजन गरेको छ । १४ गते अरण्यज्योतिले कास्की क्रिकेट क्लबसँग र राईजिङ क्रिकेट क्लबले माछापुच्छ्रे क्रिकेट क्लबसँग प्रतिस्पर्धा गर्ने छ ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
पोखरा-पोखरा अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी–२० छनोट प्रतियोगिता २०२६ अन्तर्गत भएको उद्घाटन खेलमा कास्की जिल्ला महिला क्रिकेट टोलीले नवलपुरलाई १९ रनको जित दर्ता गरेको छ। प्रतियोगिताको औपचारिक उद्घाटन गण्डकी प्रदेश खेलकुद परिषद्का सदस्य–सचिव दीपेन्द्र…