गण्डकी र नेपाल पुलिस, बागमती र सशस्त्र प्रहरी बीच सेमिफाईनल

पोखरा-गण्डकी प्रदेश महिला भलिबल टोलीले नेपाल पुलिस क्लबसँग सेमिफाईनलमा भिड्ने छ । अर्को सेमिफाईनल सशस्त्र प्रहरीले बागमती प्रदेशसँग खेल्ने छ ।

नवौं राष्ट्रिय खेलकुद प्रतियोगिताको महिला भलिबलमा सशस्त्र प्रहरी बल र बागमती प्रदेश अन्तिम चारमा प्रवेश गरेका छन् । सोमबार भएको पहिलो क्वाटरफाइनलमा एपीएफले लुम्बिनी प्रदेशलाई सोझो सेटमा पराजित गर्दै सेमिफाइनल प्रवेश गरेको हो ।

भलिवलप्रेमी दर्शकको भिडमा रहेको उक्त खेलमा सशस्क्रले २५–१५, २५–१८, २५–१० को सेटमा लुम्बिनी प्रदेश माथि जित निकालेको थियो । बागमतीले सुदुर पश्चिमलाई पराजित गर्दै सेमिफाईनल प्रवेश गरेको छ । बागमतीले सुदर पश्चिमलाई २५–१२, २५–१५ र २५–२३ को सेटमा पराजित गरेको थियो ।

विगभागीय डर्बी प्रतिस्पर्धामा नेपाल पुलिस क्लबले नेपाल आर्मीमाथि पाँचौ सेटमा जित निकाल्दै अन्तिम चारमा पुगेको छ । नेपाल पुलिस क्लबले २५–१३, २५–२०, २३–२५, २५–१४ र १५–१३ को सेटमा जित निकाल्दै सेमीफाईनल प्रवेश गरेको हो । गण्डकी प्रदेशले प्रदेश नं १ लाई सोझो सेटमा पराजित गर्दैै अन्तिम चारमा प्रवेश गर्यो । गण्डकीले प्रदेश १ लाई २५–१०, २५–१० र २५–१५को सेटमा पराजित गरेको थियो ।