
पोखरा-नेपाल हक्की संघको दोस्रो अधिवेशनले अनिलप्रसाद शर्माको अध्यक्षतामा नयाँ कार्यसमिति सर्वसम्मत चयन भएको छ । उपाध्यक्षमा चार जना चयन गरिएको छ ।
पराराष्ट्र मन्त्री एनपी साउदले शनिबार उदघाटन गरेको अधिवेशनबाट उपाध्यक्षमा गण्डकी प्रदेशबाट हिमाल खड्का सर्वसम्मत भएका हुन् । उनी संघका उपाध्यक्ष समेत रहँदै पहिलो कार्यकाल पुरा गरेका थिए । उनीसँगै उपाध्यक्षहरुमा मनिष झा, राजेन्द्रप्रसाद श्रेष्ठ र भगवती खड्का रहेकी छन् ।
महासचिवमा सुवर्ण श्रेष्ठ, सचिवमा असिम शर्मा र कोषाध्यक्षमा रामेश्वरप्रसाद घिमिरे सर्वसम्मत भएका हुन् । सदस्यहरुमा निज ामुद्धिन सिद्दिकी, पवनकुमार केसी, अन्जु प्रधान श्रेष्ठ, बावुराम साहु, सावित्री रजाली, मिलन केसी, हितकुमार गुरुङ र कान्तुराम पनेरु रहेका छन् । कार्यकाल चारवर्षको हुने छ ।


पोखरा-अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी(२० छनोट प्रतियोगिता आईतबार भएको खेलमा कास्कीले बागलुङलाई ८९ रनको फराकिलो जित निकालेको छ । खेलमा बागलुङकी कप्तान संरचना गिसी तामाङले टस जितेर पहिले फिल्डिङ गर्ने निर्णय गरेकी थिइन्। पहिले…