इन्जिनियर गुरुङलाई गल्फको मन्थ्ली मेडल

पोखरा-पोखराको छिनेडाडाँस्थित हिमालयन गल्फ कोर्षमा आयोजित नोभेम्बर मन्थ्ली मेडलको उपाधि ईन्जिनियर सन्तोष गुरुङले जितेका छन् । उनले पार ६९ को कोर्षमा लेभल पार खेल्दै उपाधि जितेका हुन् ।

स्टेबल फोर्ड फूल ह्याण्डीक्यापमा शनिबार खेलाइएको प्रतिस्पर्धामा ईन्जिनियर गुरुङले ३६ अंकसहित मन्थ्ली मेडल जितेका हुन् । १८ होलको कोर्षमा क्याप्टेन हरि राई दोस्रो बने । उनले ३५ स्कोर गरेका थिए । तेस्रो स्थानमा भने बलराम थापा आए । उनले कोर्षमा ३४ स्कोर गरेका थिए ।

प्रतिस्पर्धामा २२ जना गल्फरले सहभागिता जनाएका थिए । लङ्गेष्ट ड्राइभको पुरस्कार भने जीवाराम गुरुङले पाए । हिमालयन गल्फ क्लबले प्रत्येक महिना मन्थ्ली मेडल आयोजना गर्दै आएको छ । विजेतालाई ओलम्पियन नारायण गुरुङले ट्रफी प्रदान गरेका थिए ।