फेब्रुअरी २१ देखि सुर्य नेपाल वेष्टर्न ओपन गल्फ

पोखरा-हिमालयन गल्फ क्लबमा आयोजित जनवरी महिनाको मन्थ्ली मेडलको उपाधि एएसपी भक्तराज गुरुङले जितेका छन् । उनले पार ६९ को कोर्षमा स्ट्रोक प्लेको आधारमा खेलाईएको प्रतिस्पर्धामा ३ अण्डर ६६ को स्कोर सहित उपाधि जितेका हुन् ।

१८ जना सहभागिता जनाएको प्रतियोगितामा इन्जिनियर सन्तोष गुरुङ उपविजेता बने । त्यस्तै ग्रस तर्फको पुरस्कार इन्स्पेक्टर जीवाराम गुरुङले पाए ।

क्लबमा आगामी शनिबार क्लब च्याम्पियनसिप शुरु हुने छ । त्यसैगरी सुर्य नेपालद्वारा प्रायोजित सुर्य नेपाल वेष्टर्न ओपन गल्फ प्रतियोगिता भने यही फेब्रुअरीको २१ तारिख देखि शुरु हुने क्लबले जनाएको छ । वेष्टर्न ओपनमा नेपालका व्यवसायिक गल्फरहरुको प्रतिस्पर्धा रहने छ । केही हप्ता अघि मात्रै सुर्य नेपालको इष्टर्न ओपन च्याम्पियनसिप सम्पन्न भएको थियो ।