पोखरा-गण्डकी प्रदेश फेन्सिङ संघ र कास्की जिल्ला फेन्सिङ संघको आयोजनामा पोखरामा पहिलो पटक लेभल वानको दुई दिने तालिम गरिएको छ । तालिममा नवलपुर, गोरखा, स्याङ्जा र कास्की जिल्लाका १६ जना खेलाडीहरुको सहभागिता रहेको थियो । तामिलका सहभागीहरुलाई गण्डकी प्रदेश खेलकुद परिषदका उपाध्यक्ष धोजकुमार गुरुङले प्रमाण पत्र बितरण गरेका थिए ।
उपाध्यक्ष गुरुङले श्रोत साधनको कमिका बाबजुत पनि यस फेन्सिङ संघले खेलाडी उत्पादन तथा प्रशिक्षणमा जोड दिईरहेको बताए । उनले प्रदेश खेलकुद परिषदको साथ सँधै रहने भएकोले दशौं राष्ट्रिय खेलकुदको लागि बिशेष तयारी गर्न सुझाब दिए । बाहिर जिल्लाबाट सहभागी हुन आएका सम्पुर्ण खेलाडीहरुलाई खान र बासको ब्यबस्था समेत गरिएको उक्त तालिममा प्रशिक्षक संदिप बराल र बिनोद नेपालीले प्रशिक्षण दिएका थिए ।
नेपाल फेन्सिङ संघ, गण्डकी प्रदेश खेलकुद परिषद, कास्की जिल्ला खेलकुद बिकास समितिको सहयोग र सिनियर खेलाडीहरुको मेहनतले उक्त तालिम सम्पन्न गर्न गरिएको संघले जनाएको छ । नेपाल फेन्सिङ संघका महासचिब सुजन लाल श्रेष्ठ ज्यु र कोषाध्यक्ष अनुप कपाली ज्यु का साथै जिल्ला खेलकुद बिकाश समितिका कार्यालय प्रमुख सुनबहादुर लामा लगायत सम्पुर्णमा संघले आभार व्यक्त गरेको छ ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
पोखरा-पोखरा अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी–२० छनोट प्रतियोगिता २०२६ अन्तर्गत भएको उद्घाटन खेलमा कास्की जिल्ला महिला क्रिकेट टोलीले नवलपुरलाई १९ रनको जित दर्ता गरेको छ। प्रतियोगिताको औपचारिक उद्घाटन गण्डकी प्रदेश खेलकुद परिषद्का सदस्य–सचिव दीपेन्द्र…