पोखरा-जिल्ला एथलेटिक्स संघ कास्कीको आयोजनामा पोखरा रंगशालमा आजदेखि शुरु भएको पोखरा ओपन एथलेटिक्स मिटको पहिलो दिनमा कास्कीले स्वर्ण पदक जितेको छ । महिला तर्फको १५ सय मिटर दौडमा कास्की नारायणी भण्डारीले चार मिनेट ५४.२ सेकेण्डमा दौड पुरा गर्दै स्वर्ण दिलाईन् ।
नेपाल पुलिस क्लबकी धाविका सुमित्राकुमारी चौधरी दोस्रो बनिन् । उनले रजत पदक जित्ने क्रममा ४ मिनेट ५८.८ सेकेण्डको समय लगाईन् । सशस्त्र प्रहरी बलकी आशा रावत भने तेस्रो स्थानमा रहिन् । उनले ५ मिनेट ०३.८ सेकेण्डमा दौड पुरा गरिन् ।
पुरुष तर्फको सोही इभेण्टमा आर्मीले क्लिनस्वीप गरेको छ । तीनै पदक आर्मीका धावकको नाममा लेखियो । नेपाल आर्मीका धावक मुकेशबहादुर पालले ३.५१.६ मा को समय पार गर्दै स्वर्ण पदक जिते । आर्मीकै धावक सुनिल सुनारले ३ मिनेट ५५.५सेकेण्डको समय लगाउँदै रजत पदक जित्दा आर्मीकै धावक अकलबहादुर पालले ३ मिनेट ५६.५ सेकेण्डको समय लगाउँदै कास्य पदकमा खुम्चिए ।
फिल्ड तर्फको पुरुष सटपुट इभेण्टमा नेपाल आर्मीका तिलकबहादुर विकले १२.७७ मिटर फाल्दै स्वर्ण पदक जिते । आर्मीकै राईबहादुर शाहीले १२.०७ मिटर टाढा फाल्दै रजत पदक जिते भने स्याङ दुजिक थापा मगरले कास्य पदक जित्ने क्रममा ११.६४ मिटर फाले । महिला तर्फको सटपुटमा नेपाल पुलिस क्लबकी चन्द्रकला लामगादेले ११.९६ मिटर फाल्दै स्वर्ण आफनो नाममा लेखाईन् । नेपाल आर्मीको सीता शाहीले १०.५९ मिटर फाल्दै रजत र नेपाल पुलिसकी बसन्ती चौधरीले १०.३० मिटर फालेर कास्य पदक जित्न सफल भईन् ।
१ सय मिटर पुरुष दौडको स्वर्ण भने सशस्त्र प्रहरी बलका शिवराज पार्कीले जिते । उनले १०.५६ सेकेण्डकोृ समयमा पार गर्दै स्वर्ण जित्न सफल भए । मधेश प्रदेशका आदेशकुमार यादवले भने रजत पदक जित्ने क्रममा १०.७७ सेकेण्डको समय लगाए । आर्मीका सलिम देवानले ११ं.१० सेकेण्डमा पुरा गर्दै कास्य पदक जित्न सफल रहे ।
यसैगरी विद्यालयस्तरीय १ सय मिटर दौड छात्रा तर्फ कास्कीकी अनुषा अधिकारीले स्वर्ण, एन्जेल अधिकारीले रजत र आराध्या चालिसेले कास्य पदक जितिन् । तनहुँकी पार्वती श्रेष्ठले भने चौथो स्थानमा चित्त बुझाईन् । प्रतियोगिताको उदघाटन गर्दै सामाजिक विकास तथा युवा तथा खेलकुद मन्त्री विन्दुकुमार थापाले नियमित रुपमा आयोजना हुने प्रतियोगिताले पोखरालाई स्पोर्टस हब बनाउने सहयोगी भूमिका खेल्ने विश्वास व्यक्त गरे ।
प्रतियोगितामा नेपाल आर्मीबाट २७, सशस्त्र प्रहरीबलबाट २३ र नेपाल पुलिसबाट १२ जनासहित सातै प्रदेशबाट गरी झण्डै ३ सय एथलिटहरुको सहभागिता रहेको छ । सहभागि एथलिटले विभिन्न १२ वटा इभेण्टमा प्रतिस्पर्धा गर्ने छन् ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
पोखरा-पोखरा अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी–२० छनोट प्रतियोगिता २०२६ अन्तर्गत भएको उद्घाटन खेलमा कास्की जिल्ला महिला क्रिकेट टोलीले नवलपुरलाई १९ रनको जित दर्ता गरेको छ। प्रतियोगिताको औपचारिक उद्घाटन गण्डकी प्रदेश खेलकुद परिषद्का सदस्य–सचिव दीपेन्द्र…