प्रज्वल र जीवारामलाई गल्फ उपाधि

पोखरा-सेप्टेम्बर मन्थ्ली मेडल अन्तर्गत ग्रस तर्फका उपाधि प्रज्वल गुरुङले जितेका छन् । पोखराको मझेरीपाटनस्थित हिमालयन गल्फ कोर्षमा शनिबार भएको प्रतिस्पर्धामा नेट तर्फ इन्स्पेक्टर जीवाराम गुरुङले जितेका छन् । क्याप्टेन राजेन्द्र गौचन भने उपविजेता बन्न सफल भए ।

विजेताहरुलाई ब्रिटिस गोर्खाका मेजर किरण पुनले पुरस्कार प्रदान गरेका थिए । पुनलाई कास्की जिल्ला गल्फ संघ तथा हिमालयन गल्फ कोर्ष तर्फबाट संघका अध्यक्ष जीवाराम गुरुङले स्वागत गरेका थिए । मेजर पुन ब्रिटिस गोर्खाका काठमाडौं क्याम्प दुई वर्षको लागि आएका हुन् ।