
खेलाडी न्युज(पोखरा)-पोखरा खुल्ला टेनिस प्रतियोगिताको उपाधि प्रदीप खड्काले जितेका छन् । खड्काले पोखरा रंगशाला टेनिस कोर्टमा शनिबार भएको फाईनलमा अनिल शाहीलाई ०–६, ६–०, ६–४ को सेटमा पराजित गर्दै उपाधि जितेका हुन् । ख्डकाले सेमिफाईनलमा नविन मगरलाई पराजित गर्दै फाईनल प्रवेश गर्दा अनिलले भने सौगात खड्कालाई पराजित गरेका थिए ।
पोखरामा मासिक रुपमा विभिन्न प्रायोजनमा टेनिस प्रतियोगिता हुदैं आएको छ । प्रतियोगितालाई टेनिसका अग्रज खेलाडी समीर शेचरनले प्रायोजन गरेका थिए । प्रतियोगितामा विभिन्न ३५ जना खेलाडीहरुले प्रतिस्पर्धा गरेको थिए । कास्की जिल्ला टेनिस संघको प्राविधिक सहयोगमा सञ्चालित प्रतियोगिताको निर्देशक भने प्रिती बराल रहेकी थिईन् ।
पोखरा रंगशालाभित्र अहिले पाँच वटा क्ले कोर्ट छन् । ती कोर्टमा अन्तराष्ट्रियस्तरकै प्रतियोगिता आयोजना भईसकेको छ । राष्ट्रिय खेलुकद परिषदले समेत दुई वर्ष अघि हार्ड कोर्ट, क्ले कोर्टसहित चेन्जिङ रुम, फिडव्याक रुम तथा शौचालय निर्माण कार्य अघि बढाएको छ । चेन्जिङ रुमको निर्माण कार्य केही दिन अघि मात्रै शुरु गरिएको थियो । बजेट अभावले झण्डै छ महिना लामो समय अलपत्र परेको थियो । फेरी रकम निकासा भएपछि प्यारापिटसहितको चेन्जिङ रुम निर्माण शुरु गरिएको छ । पोखरा रंगशालाभित्र सबैभन्दा राम्रो पुर्वाधारको रुपमा टेनिस कोर्ट नै रहेको छ । कास्की जिल्ला टेनिस संघका आवद्ध विभिन्न सदस्यहरुकै सक्रियतामा आर्थिक सहयोग जुटाई पाँचवटा कोर्ट निर्माण गरिएको हो ।


पोखरा-अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी(२० छनोट प्रतियोगिता आईतबार भएको खेलमा कास्कीले बागलुङलाई ८९ रनको फराकिलो जित निकालेको छ । खेलमा बागलुङकी कप्तान संरचना गिसी तामाङले टस जितेर पहिले फिल्डिङ गर्ने निर्णय गरेकी थिइन्। पहिले…