महिला विच भलिबलमा नेपाललाई कास्य

- खेलाडी न्युज, पोखरा


     खेलाडी न्युज    
     मंसिर २२ गते २०७६ मा प्रकाशित


पोखरा(खेलाडी न्युज)-दक्षिण एशियाली खेलकुद(साग)को १३ औं सस्करणमा आईपुग्दा पहिलो पटक समावेश गरिएको विच भलिबल प्रतियोगिताले पोखराबाट विट मार्दा नेपाली महिला टोलीले भने कास्य पदक जितेको छ । पोखराको लेकसाईडस्थित फेवाताल किनारमा आयोजित प्रतियोगितामा विनिता बुढाथोकी र नेविका चौधरीले कास्य पदक जित्दै पदक विहीन अवस्थाको अन्त्य गरे ।

बुढाथोकी र चौधरीको जोडीले आफनै देशकी समूह बीका कोपिला उप्रेती र मनिषा चौधरीको जोडीलाई पन्छाउन तीन सेट खेले । पहिलो सेट २१–१२ मा लिएको बुढाथोकीको जोडीले दोस्रो सेट उप्रेतीको जोडीसँग १९–२१ ले गुमाउन पुगे । अन्तिम निर्णायक सेट भने १६–१४ ले लिदैं कास्य पदकको हकदार बने ।

महिला विच भलिबलको स्वर्ण र रजत भने श्रीलंकाको पोल्टामा पर्यो । श्रीलंकन समूह बीका दिपिका गेडेरा र मादुसानी विरसिंघेको जोडीले थारुका लक्सिनी र दिनेशा प्रसादिनीको जोडीलाई १९–२१, २१–१५ र १५–८ को सेटले पराजित गर्दै स्वर्ण पदक जिते । महिला विच भलिबल प्रतिस्पर्धा नेपाल, माल्दिभ्स र श्रीलंका सहभागित थिए ।