मुम्बईलाई कोलकोत्ताको १४९ रनको लक्ष्य

- खेलाडी न्युज, पोखरा


     खेलाडी न्युज    
     असाेज ३० गते २०७७ मा प्रकाशित


कोलकोत्ताका व्याट्सम्यान मोर्गान बललाई स्वीप गर्ने प्रयासमा ।

जायद(एजेन्सी)-मुम्बई इण्डियन्सलाई कोलकोत्ता नाईट राईर्डसले कमजोर लक्ष्य दिएको छ । सातौं नम्बरमा आएको पाट कुमिन्सको अर्धशतकीय पारीमा नाईट राइर्डसले मुम्बईलाई शुक्रबार आईपिएलको ३२ औं खेलमा केवल पाँच विकेटको क्षतिमा १४८ रन बनाउँदै कोलकोत्तालाई जितको लागि १४९ रनको लक्ष्य दिएको हो ।

पाट कुमिन्सले इओइन मोर्गानसँग नटआउट साझेदारी निभाउँदै कमजोर लक्ष्यबाट माथि उठाएका थिए । कुमिन्सले ३९ बल खेल्दै ५३ रन बनाउँदै महत्वपूर्ण योगदान दिने क्रममा ५ चौका र २ छक्का हिर्काउँदै नटआउट रहे । मोर्गानले पनि ३९ रन बनाउने क्रममा २९ बल खेल्दै २ चौका र २ छक्काको रन व्याटबाट निस्किएको थियो । कोलकोत्ताको ओपनर र मध्यक्रमका व्याट्सम्यानको प्रदर्शन खासै लोभलाग्दो र उल्लेख्य देखिएन् ।

राहुल त्रिपाठी ७ रन आउट भए । २१ रन बनाई खेल्ने क्रममा सुभम गिल राहुल चाहरको बलमा आउट हुन पुगे । नितिश राना र दिनेश कार्तिक पनि दोहोरो अंकको रन बनाउनु अघि नै पभेलियन फर्किए । कार्तिकलाई चाहरले नै आउट गरेपछि कोलकोत्ता निकै धरासायी अवस्थामा थियो ।

आन्द्रे रसेल पनि १२ रनमै आउट भएपछि कोलकोत्ताको इनिंग सम्हाल्दै इज्जतिलो व्याटिंग गर्ने क्रममा कुमिन्स र मोर्गानले नटआउट रहँदै ५३ र ३९ रन बनाएका थिए । मुम्बईका बलर नाथन कल्टर निल सर्वाधिक महंगा बने । उनले ४ ओभरमा ५१ रन खचिएर एक विकेट आफनो नाममा लेखाए ।