धोनीको आईपिएलमा २०० औंं खेलको कोशेढुंगा

धोनीले आईपिएल को ३७ औं खेलमा २०० औं खेल पुरा

अबुधावी (एजेन्सी)-चेन्नई सुपरकिंग्सका कप्तान महेन्द्रसिंह धोनीले भारतीय फ्रेन्चाईज क्रिकेट लिग(आईपिएल)को ३७ औं खेलमा २०० औं खेलको कोशेढुंगा पुरा गरेका छन् । आईपिएलको २ सयौं खेल खेल्ने उनी एकमात्र भारतीय क्रिकेटर बन्दै इतिहास रचेका छन् ।

सोमबार अबुधावीको जायद क्रिकेट मैदानमा राजस्थान रोयल्स विरुद्धको खेलमा पाँचौ नम्बरमा व्याटिंग गर्न आउँदै २०० औं खेल खेल्ने पहिलो भारतीय क्रिकेटरको रुपमा इतिहास बनाएका हुन् । टी( ट्वान्टीमा उनको सहभागिता भने ३२७ खेल हो । धोनीले चेन्नईको लागि सबैभन्दा धेरै खेल खेल्ने खेलाडीको रुपमा समेत परिचित छन् । उनले चेन्नईबाट १९४ खेल खेलेका छन् ।

धोनी पछि सर्वाधिक आईपिएल खेल्ने खेलाडीको सूचीमा मुम्बई इण्डियन्सका कप्तान रोहित शर्मा छन् । उनले आईपिएलमा १९७ खेल खेलिसकेका छन् । सुरेश रैना १९३ खेल र भारतीय क्रिकेट टोलीका कप्तान विराट कोहली भने चौथो स्थानमा छन् । कोहलीले १८६ खेल खेलका छन् भने पाँचौ नम्बरमा रविन उथप्पा छन् । उनले १८४ खेल खेलिसकेका छन् ।

आईपिएल खेल्ने विदेशी खेलाडीको हकमा सबैभन्दा बढी खेल्ने खेलाडीमा एबी डि भिलियर्स छन् । उनले १६३ खेल खेलेको तथ्यांक छ । दोस्रो नम्बरमा केईरन पोलार्ड छने् । पोलार्डले १५७ खेल खेलेका छन् । ५ हजार रन कटाउने विदेशी खेलाडीमा अष्ट्रेलियन क्रिकेट डेविड वार्नरको नाममा छ । उनले आईपिएलमा कोलकोत्ता विरुद्धको खेलमा ५ हजार रन पुरा गर्ने पहिलो विदेशी खेलाडी समेत बने ।