एन्फाको साधारण सभा हेरिटेज गार्डेनमा जारी

- खेलाडी न्युज, पोखरा


     खेलाडी न्युज    
     माघ ६ गते २०७७ मा प्रकाशित


एन्फाको १९औं साधारण सभा

काठमाडाैं, माघ ६ । अखिल नेपाल फुटबल संघ (एन्फा) को १९ औं साधारण सभा जारी छ । ललितपुरको सानेपास्थित हेरिटेज गार्डेनमा साधारण सभा विहानबाट जारी रहेकाे छ ।

साधारण सभामा विभिन्न एजेन्डा माथि छलफल हुँदैछन् । कंग्रेसकाे उद्घाटन युवा तथा खेलकुद मन्त्री दावा तामाङले गरे । कोरोना भाईरसको महामारीको कारण एन्फाको साधारण सभा पटक पटक स्थगित हुँदै आईरहेको थियाे ।

यस अघि भदौ १५ गते हुने भनिएको साधारण सभा स्थगित गरिएको थियो । साधारण सभामा कोषाध्यक्ष रविन्द्र जोशीले पेश गरेको आर्थिक प्रतिवेदन प्रस्तुत गरिनेछ । जोशीले अनुमति ८५ करोड ६६ लाख ४२ हजार २ सय ४० रुपैयाँको बटेजलाई साधारण सभामा प्रस्तुत गर्ने छन् ।

त्यस्तै एन्फाले मनाङ, खोटाङ र नवलपरासी सुस्ता पूर्व जिल्लाहरुलाई एन्फा सदस्यता प्रदान गर्न साधारण सभामा निर्णयार्थ प्रस्तुत गर्नेछ ।  साधारण सभाले पारित गरेमा एन्फाको सदस्य जिल्ला ४८ पुग्नेछ ।