क्लब च्याम्पियनसिप भलिबल
पोखरा-गण्डकी प्रदेशले नेपाल आर्मी विरुद्ध पुनरागमन जित निकाल्दा विभागीय डर्बीको प्रतिस्पर्धामा भने शसस्त्र प्रहरीले बाजी मारेको छ । शसस्त्र प्रहरीले नेपाल पुलिस क्लबलाई पराजित गर्न पाँचै सेटमा संघर्ष गर्नुपरेको थियो ।
टाईगर ग्रुप पोखराको आयोजनामा सञ्चालित महिला तथा पुरुष टाईगर कप क्लब च्याम्पिनयसिप भलिबल प्रतियोगिता अन्तर्गत बुधबार पुरुषको दोस्रो खेलमा शसस्त्र प्रहरीले जित निकाल्न पाँचै सेट खेल्न पुग्यो । पहिलो दुई सेट लिएर जित्ने लक्ष्य बुनेको शसस्त्र भने तेस्रो र चौथो सेट गुमाएपछि खेल निर्णायक सेटमा पुग्यो ।
पहिलो सेट २७–२५ मा लिएको शसस्त्रले दोस्रो सेट २५–२० मा लिएर २–० को अग्रता लियो । तेस्रो सेट जितेर सोझो सेटको नजिता निकाल्ने योजनालाई नेपाल पुलिस क्लबले रोकिदियो । तेस्रो सेट नेपाल पुलिस क्लबले शसस्त्रलाई २५–१९ मा पन्छाउँदै खेलमा फर्कियो । चौथो सेट भने पुलिसलाई निकै सहज भयो । २५–९ मै हारपछि शसस्त्रले जित निकाल्न अन्तिम सेटसम्म कुर्नुपर्यो । अन्तिम तथा निर्णायक सेट भने १५–१०ले आफनो पक्षमा पार्दै शसस्त्रले जितको खुशी मनायो ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…