अप्रिला स्कुटर हस्तान्तरण गर्दै प्रबन्ध निर्देशक अनुजकुमार बास्तोला ।
पोखरा-गत चैतमा सम्पन्न १९ औं सस्करणको आहा रारा गोल्डकपका सर्वोत्कृष्ठ खेलाडी राजाबावु थापालाई अप्रिला स्कुटर हस्तान्तरण गरिएको छ ।
गोल्डकपमा संकटाका गोलकिपर थापा उत्कृष्ट घोषित हुदैं स्कुटर प्राप्त गरेका थिए । स्कुटर सोमबार मात्रै हस्तान्तरण गरिएको हो । सिताज लाईफस्टाइलका प्रबन्ध निर्देशक अनुजकुमार बास्तोलाले सर्वोत्कृष्ट खेलाडी घोषित थापालाई स्कुटर हस्तान्तरण गरेका हुन् । अप्रिलाले गोल्डकपको लागि सर्वोत्कृष्ट खेलाडीको प्रायोजन गर्दै स्कुटर प्रदान घोषणा गरेको थियो ।
अफ्रिकन रुट्स एशोसियसनलाई पेनाल्टी सुटआउटमा पराजित गर्दै संकटाले पहिलो पटक आहा रारा गोल्डकपको उपाधि उचालेको हो । छैटौं सहभागितामा संकटाले उपाधि उचाल्न अफ्रिकन रुट्सको चुनौतिलाई पेनाल्टीसुटआउटमा पन्छाएको थियो । पेनाल्टी सुटआउटमा संकटाका गोलकिपर राजाबावु थापाले अफ्रिकन खेलाडीको एक पेनाल्टीलाई बचाउ गरेपछि उपाधि पक्का भएको थियो । अफ्रिकन रुट्स भने पोखरामा आयोजित आहा रारा गोल्डकप खेल्न पहिलो पटक आईपुगेको हो ।
स्कुटर हस्तान्तरणमा सहारा क्लबका अध्यक्ष केशवबहादुर थापा, पुर्व अध्यक्ष विक्रम थकाली, उपाध्यक्ष हरिराम गुरुङ लगायतको उपस्थिति रहेको थियो ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-गण्डकी प्रदेशका भरपर्दा व्याटर अर्जुन कुमाल नेदरल्याण्डमा हुने आईसिसी मेन्स क्रिकेट वल्र्डकप लिग २ र युके प्रिपेरेशन टुरको लागि राष्ट्रिय क्रिकेट टोलीमा छनोट भएका छन् । उनी अहिले महानगर टी २० क्रिकेट प्रतियोगिता खेलिरहेका छन् । उनले बीरगन्ज…