काठमाडौं- धनगढी फुटबल क्लब र ललितपुर सिटी फुटलबल क्लबले काठमाडौंमा जारी नेपाल सुपर लिग (एनएसएल) मा आज १–१ गोलको बराबरी खेल्दै अंक बाँडेका छन् ।
त्रिपुरेश्वर स्थित दशरथ रंगशालामा सम्पन्न खेलमा धनगढीले लिएको सुरुआती अग्रतालाई जोगाउन नसक्दा अंक बाँडेको हो । पहिलो हाफमा दबाबमा रहेर खेलको धनगढीले दोस्रो हाफ सम्हालिएको प्रदर्शन गर्दै अग्रता बनाएको थियो । ७२औं मिनेटमा ओलावाले आफिजले गोल गरेर धनगढीका अग्रता निकालेका थिए । तर त्यसको सात मिनेट पछि नै बैकल्पिक खेलाडीको रुपमा मैदान प्रवेश गरेका रञ्जन विष्टले गोल गर्दै ललितपुरलाई खेलमा फर्काएर हारबाट जोगाए ।
वर्षाका कारण चिप्लो रहेको मैदानमा दुबै टोलीले आक्रामक देखिएका थिए । रोमाञ्चक बनेको खेलमा ललितपुरले अधिकांस समय बलमा नियन्त्रण राखेको थियो । यस अघि पहिलो हाफमा ललितपुर पेनाल्टी अवसरलाई सदुपयोग गर्न चुकेको थियो । आइकोनिक खेलाडी तथा धनगढीका गोलकिपर किरण चेम्जोङले नियन्त्रमा लिएको बललाई रिलिज गर्ने क्रमा ललितपुरका स्ट्राइकर अञ्जन विष्टलाई अनावश्यक फाउल गरेपछि ललितपुरले पेनाल्टी पाएको थियो । उक्त पेनाल्टी अवसर प्रहार गर्न आएका विदेशी खेलाडी नुर्लानको फितलो प्रहार किरणले सहजै नियन्त्रमा लिन सफल भएका थिए ।
यस अघि पाँचौ मिनेटमा अन्जन विष्टले गोल गरेपछि रेफ्रिले अफसाइडको इसारा दिएका थिए । अन्तिम तिर दुबै टोलीले स्पष्ट जितका लागि निकै प्रयास गरे । तर सफल हुन सकेनन् र दुबै टोलीले १÷१ अंक बाँड्न बाध्य भए । यससँगै धनगढीले तीन खेलबाट तालिकामा ४ अंक बनाएको छ । ३ खेलबाट २ अंक जोडेको ललितपुर तालिकाको पुछारमा छ । दुई खेल खेलेको बुटवल लुम्बिनी ४ अंकका साथ तालिकाको शीर्ष स्थानमा छ । प्रतियोगितामा शुक्रबार काठमाडौं रेजर्स र पोखरा थन्डर्सबीच खेल हुनेछ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
धन बस्नेत/पोखरा सरकारले आर्थिक वर्ष २०८३÷०८४ बजेट सार्वजनिक गर्यो । बजेटले खास गरी क्रिकेटलाई न आशा न उत्साह बनायो । त्यसमा पनि अझ पोखराको क्रिकेट मैदान भने सधैको ओझेलमा झै पर्यो । क्रिकेट पूर्वाधारमा सरकारको लगानी बालुवामा पानी…