नेपाल र अमेरिका प्रतिस्पर्धा गर्दै

काठमाडौं । आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय अन्तराष्ट्रिय शृखंलामा नेपालले आज अमेरिकासँग प्रतिस्पर्धा गर्दैछ ।

पहिलो खेलमा रोमाञ्चक जित निकालेको नेपालले नेपालले अल अमिरात क्रिकेट मैदानमा अमेरिकासँग लिगको दोस्रो खेल खेल्न लागेको हो । नेपाल र अमेरिकाबीचको खेल दिउँसो ४ः१५ बजे सुरु हुनेछ ।

ओमान विरुद्धको खेलमा चल्न नसकेको ब्याटिङलाई सुधार गर्दै नेपाल अमेरिकाविरुद्ध मैदान उत्रिन लागेको हो । नेपाल जितको खोजीमा हुनेछ । यस अघि सोमबार भएको खेलमा नेपालले अमेरिकालाई ५ विकेटले पराजित गरेको थियो ।

पहिलो खेलमा अमेरिकामाथि सुखद नतिजा निकालेको नेपालले दोस्रो खेलमा आयोजक ओमानलाई नतिजा सुम्पिएको थियो । नेपाललाई पन हराएको ओमानले बीहिबार भएको खेलमा अमेरिकालाई ४ विकेटले पराजित गरेको थियो ।

लिग–२ मा नेपाल ६ खेलमा ६ अंक जोडेर छैटौं स्थानमा रहेको छ । अमेरिका १४ खेलमा १२ अंक जोडेर दोस्रो स्थानमा रहेको छ । ओमान १२ खेलमा २० अंक जोडेर शीर्ष स्थानमा रहेको छ ।