पोखरा-भेट्रान खेलाडी विजय गुरुङको ह्याट्रिक प्रेरित घरेलु टोली स्पोर्टस क्यासलले लुम्बिनी फुटसललाई फराकिलो जित निकाल्दै राष्ट्रिय ए डिभिजन फुटसल लिगको शीर्षस्थानमा उक्लिएको छ । विजयसँगै क्यासलको जितमा सुमित श्रेष्ठको समेत ह्याट्रिक रह्यो । किशोर गुरुङले २ तथा कप्तान क्षितिज गुरुङ, सुरेन बुढामगर र विशोन गुरुङले समान १÷१ गोल गरे । १ गोल भने स्पोट्र्स क्यासलले उपहार पाएको हो । लुम्बिनीका लागि रुपेन बराइलीले १ गोल गरे ।
क्यासल शीर्षस्थानमा उक्लिदा अर्को घरेलुटोली सविन मेमोरियल भने दोस्रो स्थानमा झरेको छ । सविनको कुल ४ खेलबाट ९ अंक रहेको छ । समान खेल खेलको क्यासलले हार व्यहोरेको छैन् । ४ खेलमध्ये ३ खेलमा जित र १ खेल बराबरी खेलको छ । क्यासलले यस अघि प्रभातफेरी युथ क्लब र ढुकु फुटसल हबलाई हराइसकेको छ भने शंखमुलसंग २–२ गोलको बराबरी खेलेको छ । दोस्रो स्थानको सविनले ३ खेलमा जित र १ खेलमा हार व्यहोरेको छ । सविनले मछिन्द्र स्काइ गोल्स,झरना स्पोट्र्स क्लब र लुम्बिनी फुटसललाई हराएको छ भने ढुकु फुटसलसंग बराबरी खेलेको छ ।
शनिवारनै भएको पहिलो खेलमा मछिन्द्र स्काइ गोल्सले फुटसल ५ धरानलाई ७–३ ले पाखा लगायो । मछिन्द्रको जितमा कप्तान निर्मल गुरुङ र मिसोन लामाले २/२ गोल गरे । श्रीकृष्ण श्रेष्ठ, अमित तामाङ र रोशन अधिकारीले १÷१ गोल गरे । धरानका लागि कप्तान सुदिप कार्कीले २ तथा रन्जित गुरुङले १ गोल गरे ।
पोखरा-चौथो एबीसी राष्ट्रिय एट ए साइड ४५ प्लस भेट्रान्स कप २०८२ को उपाधि बगर भाइखलकले हात पारेको छ । पोखरा रंगशालामा शुक्रबार सम्पन्न फाइनल खेलमा आयोजक एबीसीलाई ४–० गोल अन्तरले पराजित गर्दै प्रतियोगिताको उपाधी जितेको हो । उपाधि…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…