कास्की क्रिकेट संघको अध्यक्षमा पुन सिग्देल

पोखरा-कास्की जिल्ला क्रिकेट संघको तेस्रो अधिवेशनबाट सन्जयकान्त सिग्देलको अध्यक्षतामा नयाँ कार्यसमिति सर्वसम्मत चयन भएको छ । कार्यसमितिको उपाध्यक्षमा दिपेन्द्रप्रताप चन्द, सचिव विनोद श्रेष्ठ, कोषाध्यक्षमा विरेन पुन सर्वसम्मत भएका हुन् ।

सदस्यहरुमा गोविन्द प्रधान, दुर्गा चन्द, ऋषिकेश शर्मा, अरुण पौडेल, पूर्णचन्द्र न्यौपाने, कमल थापा र दिलिप अग्रहरी, जयप्रकाश थापा, भावना देवकोटा, रमेशसिंह यादव र भोजराज बराल चयन भएका छन् । निर्वाचन अधिकृत अधिवक्ता विष्णुप्रसाद शर्मा मरासिनीले निर्वाचित पदाधिकारीलाई पद तथा गोपनियताको सपथ खुवाएका थिए ।

सचिव दिपेन्द्रपताप चन्दले सचिवको प्रतिवेदन प्रस्तुत गर्दै क्रिकेट एकेडेमी सञ्चालन न गर्ने निर्णय गरेको छ । विद्यालयस्तरीय छात्रा तथा छात्रा क्रिकेट प्रतियोगिता आयोजना गर्ने भावी योजनामा समावेश गरेका छन् । जिल्लास्तरीय क्रिकेट प्रतियोगिता, टी ट्वान्टी एकदिवसीय आयोजना गरिने। अम्पायर तथा स्कोरर तालिम दिईने जनाइएको छ ।

आगन्तुक टोलीसँग मैत्रीपूर्ण प्रतिस्पर्धा गर्ने र मैदान उपयोग वापत शुल्क लिई प्राविधिकहरुको पारिश्रमिक उपलब्ध गराईने जनाएको छ । मनोरजनात्मक क्रिकेटलाई समेत संघले आयोजना गरेर भाईचारा बढाउने लक्ष्य लिएको छ । चौथो अधिवेशनमा युवा खेलाडी अर्जुन कुमाललाई सम्मान गरिएको थियो ।