पोखरा-नवौं राष्ट्रिय खेलकुद प्रतियोगितामा स्क्वास खेल्न गण्डकी प्रदेशबाट ७ जना खेलाडी छनोट भएका छन्। पोखरा रंगशालास्थित स्क्वास कोर्टमा शनिबार सम्पन्न खेलको आधारमा गण्डकी प्रदेशबाट पुरुषतर्फ ४ र महिलातर्फ ३ जना छनोट भएका हुन्।
पुरुषतर्फ अमृत थापामगर (गोरखा), दीपक थापामगर (कास्की) र नवराज थापा (स्याङ्जा) छनोट भएका हुन्। पुरुषतर्फ र हिराकाजी श्रेष्ठ (कास्की) वैकल्पिक खेलाडीका रुपमा छनोट भएका छन्। गण्डकी प्रदेशस्तरीय छनोट प्रतियोगितामा अमृत प्रथम, दीपक दोस्रो, नवराज तेस्रो र हिराकाजी बैकल्पिकमा छनोट भएका हुन्।
गोरखाका अमृतले फाइनलमा कास्कीका दीपक थापामगरलाई १०–१२, ११–६ र ११–६ ले जित्दै पहिलो बनेका हुन्। अमृत, नेपालगञ्जमा भएको आठौं संस्करणको राष्ट्रिय खेलकुद प्रतियोगिताका स्वर्ण पदक विजेता समेत हुन् ।
त्यस्तै, महिलातर्फ कृष्ण थापामगर (गोरखा), शृशिका उदास (कास्की) र करिश्मा ओली (कास्की) छनोट भएका छन्।गण्डकी प्रदेशस्तरीय छनोट प्रतियोगितामा कृष्ण प्रथम, शृशिका दोस्रो र करिश्मा तेस्रो बन्दै राष्ट्रिय खेलकुदका लागि छनोट भएका हुन्।
प्रतियोगितामा लमजुङ, मनाङ र मुस्ताङ जिल्लाबाहेक बाँकी ८ जिल्लाबाट २६ पुरुष र ७ महिलाले प्रतिस्पर्धा गरेका थिए। राष्ट्रिय खेलकुदका लागि छनोट भएका खेलाडीहरुलाई गण्डकी प्रदेश खेलकुद परिषदका उपाध्यक्ष धोजकुमार गुरुङ, सदस्य शुभकन्या गुरुङ, पोखरा महानगरपालिका खेलकुद समितिका अध्यक्ष दीपक गोदार, कास्की जिल्ला स्क्वास संघका अध्यक्ष पुष्पराज श्रेष्ठले मेडल र प्रमाणपत्र प्रदान गरे।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-गण्डकी प्रदेशका भरपर्दा व्याटर अर्जुन कुमाल नेदरल्याण्डमा हुने आईसिसी मेन्स क्रिकेट वल्र्डकप लिग २ र युके प्रिपेरेशन टुरको लागि राष्ट्रिय क्रिकेट टोलीमा छनोट भएका छन् । उनी अहिले महानगर टी २० क्रिकेट प्रतियोगिता खेलिरहेका छन् । उनले बीरगन्ज…