पोखरा-नवौं राष्ट्रिय खेलकुद प्रतियोगितामा गण्डकी प्रदेशले पहिलो पदकको रुपमा फेन्सिङका विजय अधिकारीले कास्य पदक जितेका छन् । उनले कास्य पदक जितेको भोलिपल्टै पोखरा महानगरपालिकाले खेलाडीलाई प्रोत्साहन पुरस्कार घोषणा गरेको छ ।
व्यक्तिगत विधामा स्वर्ण पदक जित्ने खेलाडीलाई प्रोत्साहन रुवरुप नगद १५ हजार रुपैयाँ प्रदान गर्ने घोषणा गरेको छ । पोखरा महानगरपालिका प्रमुख धनराज आचार्यले बिहीबार विहान खेलाडीलाई प्रोत्साहन पुरस्कार घोषणा गर्दै थोरै रकम भएपनि महानगरपालिकाले खेलाडीलाई उत्साहित र प्रोत्साहित गर्ने प्रयास गरेको बताए ।
घोषणा अनुसार व्यक्तिगत विधामा रजत पदक विजेता खेलाडीले १० हजार र कास्य पदक जित्ने खेलाडीले ५ हजार रुपैयाँ प्रोत्साहन पुरस्कार दिईने छ । टिम इभेण्ट तर्फ भने जनही ५ हजारले प्रदान गर्ने समेत महानगरपालिका खेलकुद विकास समितिका सदस्य सचिव सुवास खड्काले जानकारी दिए ।
नवौं राष्ट्रिय खेलकुद प्रतियोगितामा पोखरा महानगरबाट दुईसय भन्दा बढी खेलाडीहरु विभिन्न खेलमा सहभागिता रहेको महानगर खेलकुद विकास समितिका अध्यक्ष दिपकबहादुर गोदारले बताए । ३९ वर्षपछि गण्डकी प्रदेशमा आयोजित प्रतियोगितामा ३६ खेलमा प्रतिस्पर्धा हुने छ । दुई खेल प्रदर्शनी गरिने छ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
धन बस्नेत/पोखरा सरकारले आर्थिक वर्ष २०८३÷०८४ बजेट सार्वजनिक गर्यो । बजेटले खास गरी क्रिकेटलाई न आशा न उत्साह बनायो । त्यसमा पनि अझ पोखराको क्रिकेट मैदान भने सधैको ओझेलमा झै पर्यो । क्रिकेट पूर्वाधारमा सरकारको लगानी बालुवामा पानी…