सुदुरमाथि गण्डकीको सोझो सेटमा जित

- खेलाडी न्युज, पोखरा


     खेलाडी न्युज    
     असाेज २७ गते २०७९ मा प्रकाशित


पोखरा- म्याग्दीको बेनीमा आयोजित महिला राष्ट्रिय भलिबल प्रतियोगितामा गण्डकी प्रदेशले सुदुर पश्चिम प्रदेशलाई सोझो सेटमा पराजित गरेको छ ।

नवौं राष्ट्रिय खेलकुद प्रतियोगिता अन्तर्गत बेनीस्थित खेल मैदानमा आयोजित प्रतियोगितामा गण्डकीले सुदुर पश्चिमलाई २५–१८, २५–८ र २५–२२ को सेटमा पराजित गरेको थियो । बिहीबार उदघाटनसँगै एक खेल मात्रै आयोजना गरिएको थियो । प्रतियोगिताको उदघाटन जिल्ला समन्वय समिति म्याग्दीका प्रमुख राजकुमार थापाले गरेका थिए ।शुक्रबार तीन खेल हुने छ ।