लुम्बिनी धाविका निशाको १०० मिटरमा कीर्तिमान

पोखरा-नवौं राष्ट्रिय खेलकुद प्रतियोगिता अन्तर्गत एथलेटिक्सको पहिलो दिन नयाँ कीर्तिमामान बनेको छ । लुम्बिनी प्रदेशकी धाविका निशा चौधरीले १०० मिटर दौडमा कीर्तिमान बनाएकी हुन् ।

हिट चरणको दौडमा उनले १२.१५ सेकेण्डको समयमा पुरा गर्दै किर्तिमान बनाईन् । उनले यस अघिको १२.१९ सेकेण्डको कीर्तिमानको भंग गर्दै नयाँ कीर्तिमान बनाएकी हुन् । देवीमाया पनेरुले १९९९ मा आठौं दक्षिण एशियाली खेलकुद(साग)मा त्यो कीर्तिमान बनाएकी थिईन् ।