आर्मीका तिलक र नेपाल प्रहरीकी लामगादेलाई स्वर्ण

पोखरा-पुरुष सटफुट तर्फको प्रतिस्पर्धामा आर्मीका तिलक विकले १२.८५ मिटर फाल्दै स्वर्ण पदक जिते । त्यस्तै आर्मीकै १२.६४ मिटर फालेका चित्रबहादुर वलिले रजत पदक र बागमती प्रदेशका ललित रावतले कास्य पदक जित्ने क्रममा ११.९५ मिटर फालेका थिए ।

महिला तर्फको सटफुटमा नेपाल प्रहरीकी चन्द्रकला लामगादेले १२.४० मिटर फाल्दै स्वर्ण पदक जितिन । त्यस्तै लुम्बिनी प्रदेशकी संगीता अधिकारीले १०.८३ मिटर फाले रजत पदक जितिन । नेपाल प्रहरीकी बसन्ती चौधरीले ९.८६ मिटर पर फ्याँकेर कास्य पदक चित्त बुझाईन् ।