महिला भलिबलः दुई पुलिसबीच उपाधि प्रतिस्पर्धा

पोखरा,-म्याग्दीको बेनीमा आयोजित महिला राष्ट्रिय भलिबल प्रतियोगिताको उपाधिको लागि दुई बीच पुलिस बीच हुने छ । नवौं राष्ट्रिय खेलकुद प्रतियोगिता अन्तर्गत मंगलबार भएको पहिलो सेमिफाईनलमा सशस्त्र प्रहरी बलले बागमती प्रदेशलाई पराजित गर्दै फाईनल प्रवेश गर्दा नेपाल पुलिसले गण्डकी प्रदेशलाई सोझो सेटमा पराजित गर्दै उपाधि निकट पुगेको हो ।

सशस्त्र प्रहरी बलले बागमतीलाई २३–२५, २५–२३, २५–२२ र २५–१६ को सेटमा पराजित गर्दै फाईनल प्रवेश गरेको हो । यसैगरी दोस्रो सेमिफाईनल खेलमा गण्डकी प्रदेशलाई नेपाल पुलिसले २५–१०, २५–१८ र २५–११ को सेटमा पन्छाउँदै उपाधिको लागि सशस्त्र प्रहरीसँग भेट गर्यो । तेस्रो स्थानको लागि बुधबार गण्डकी र बागमती खेल्दा उपाधिको लागि दुई पुलिस आमने सामने हुने छन् ।