अपराजित सशस्त्र तेस्रो टाईगर कप भलिबलको फाईनलमा

पोखरा-विभागीय डर्बी भिडन्तमा सशस्त्र प्रहरी बलले नेपाल पुलिस क्लबलाई सोझो सेटमा पराजित गर्दै तेस्रो टाईगर कप भलिबल च्याम्पियनसिपको फाईनल प्रवेश गरेको छ । लिगचरण र सेमिफाईनलसम्मको अपराजित यात्रालाई निरन्तरता दिने क्रममा सशस्त्रले नेपाल पुलिस क्लबलाई ३–० सेटले पन्छायो ।

टाईगर ग्रुप पोखराको आयोजनामा पोखरा रंगशाला भलिबल प्रशिक्षण केन्द्रको मैदानमा शुक्रबार भएको प्रतिस्पर्धामा सशस्त्रले पहिलो सेट २५–१० मा लिदैं फाईनलको यात्रा तय गर्ने संकेत गरयो । पाहुना टोली सेन्ट जोसेफ श्रीलंकाली टोलीले कुनैपनि जित निकाल्न सकेन् । पाँचौ स्थानमा रहेर प्रतियोगिता टुंगाएको थियो । यद्यपी नेपाल पुलिस क्लबले पनि पाहुना टोलीलाई पराजित गर्दै चौथो स्थानमा रहेर सेमिफाईनल समीकरण पुरा गरेको थियो ।

पहिलो सेट निकै कम स्कोरमा गुमाएको नेपाल पुलिसले दोस्रो सेटमा भने सुधिारिएको प्रदर्शन गर्यो । दोस्रो सेट २५–२० मा गुमाउँदै सेमिफाईनलसम्मको यात्राबाट प्रतियोगिताको विट मार्यो । तेस्रो तथा अन्तिम सेटमा २५–१८ मा लिदैं सशस्त्रले नेपाल पुलिस क्लबमाथि सोझो सेटको जित निकाल्दै फाईनल प्रवेश गरेको हो ।