१३ औं राष्ट्रपति रनिङ शिल्ड फागुन दोस्रो साता

तस्बिर फाईल

पोखरा-आगामी फागुनको दोस्रो साता पोखरा रंगशालामा १३ औं राष्ट्रपति रनिङ शिल्ड प्रतियोगिता आयोजना गर्ने निर्णय गरेको छ ।

जिल्ला खेलकुद विकास समिति कास्कीको शुक्रबार बसेको बैठकले १३ औं जिल्लास्तरीय राष्ट्रपति रनिङ शिल्ड फागुन १४ र १५ गते आयोजना गर्ने निर्णय गरिएको कास्की जिल्ला खेलकुद विकास समिति पोखराका कार्यलय प्रमुख डि.बी नेपालीले जानकारी दिए ।

फागुनको दोस्रो आयोजना गर्ने निर्णयसँगै जिल्ला खेलकुद विकास समितिले फागुन ९ गतेभित्रका सबै पालिकालाई प्रतियोगिता टुग्याईसक्न आग्रह समेत गरेको छ ।

कास्कीका चार गाँउपालिका र पोखरा महानगरपालिकाले राष्ट्रपति रनिङ शिल्ड प्रतियोगिता टुग्याई जिल्लास्तरीय प्रतियोगितामा सहभागिताको लागि आग्रह गरिएको उनले बताए । प्रतियोगिताको लागि साढे १२ लाख रुपैयाँ खर्च हुने अनुमान गरिएको छ । समितिको बैठक अध्यक्ष तोरण बानियाँको अध्यक्षतामा बसेको थियो ।