पोखरा महानगर रातो र माछापुच्छ्रे गाँउपालिका सेमिफाईनलमा

पोखरा-पोखरा महानगर खेलकुद विकास समितिको आयोजनामा बुधबारदेखि पोखरा रंगशाला भलिबल एरिनामा कास्की पालिकास्तरीय पुरुष भलिबल प्रतियोगिता शुरु भएको छ ।

बुधबार भएको प्रतिस्पर्धामा पोखरा महानगरपालिका रातोले मादी गाँउपालिका बीलाई २—० सेटले पराजित गर्दै अन्तिम चारमा प्रवेश गरेको छ । त्यसैगरी माछापुच्छ्रे गाँउपालिकाले अन्नपूर्ण गाँउपालिका बी लाई २—१ को सेटमा पराजित गर्दै सेमिफाईनल सुरक्षित गरेको छ ।
प्रतियोगितामा ९ टोलीको सहभागिता रहेको छ ।

माछापुच्छ्रेगाँउपालिका बाहेक अन्य पालिकाहरुको दुई दुई टिमको सहभागिता रहेको छ । विजेताले पुरस्कारस्वरुप ६० हजार रुपैयाँ प्राप्त गर्ने छ । उपविजेताले नगद ५० हजार र तेस्रो हुने पालिकाले ४० हजार पुरस्कार पाउने छ । त्यस्तै उत्कृष्ट विधाले पनि नगद ५ हजार रुपैयाँ पुरस्कार प्राप्त गर्ने छन् ।

प्रतियोगिताको उदघाटन प्रदेश खेलकुद परिषद गण्डकीका उपाध्यक्ष ध्वजकुमार गुरुङले गरेका थिए । उदघाटन समारोह महानगरपालिका खेलकुद विकास समितिका अध्यक्ष दिपकबहादुर गोदारको अध्यक्षतामा भएको थियो ।