पोखरा-बाग्लुङ क्रिकेट संघको आयोजनामा पहिलो पटक गण्डकी प्रदेशस्तरीय ‘बाग्लुङ कप’ टी–२० क्रिकेट प्रतियोगिता हुने भएको छ । यही कार्तिक २१ गतेदेखि २५ गतेसम्म बाग्लुङको बाङ्गेचौर बहुउद्देश्यीय खेल मैदानमा हुने छ । संघ गठनपछिको संघको यो पहिलो प्रतियोगिता समेत हो । म्याटमा खेलाईने प्रतियोगिता लिगकम नकाउटमा सञ्चालन हुने बाग्लुङ क्रिकेट संघले जनाएको छ ।
‘संघ गठनपछि पहिलो प्रतियोगिता हो । यस भन्दा अघि क्लबस्तरीय प्रतियोगिता आयोजना भने गरिरहेका थियौं’ बाग्लुङ क्रिकेट संघका अध्यक्ष विष्णुप्रसाद आचार्यले भने–‘अहिले प्रदेशस्तरीय प्रतियोगिताको तयारीमा जुटेका हौं ।’ प्रतियोगितलाई गण्डकी प्रादेशिक क्रिकेट संघले स्वीकृति प्रदान गरिसकेको छ । प्रतियोगिताको आवश्यक तयारीलाई अन्तिम चरणमा पुगेको छ ।
प्रतियोगितामा कास्की, तनहुँ, स्याङजा, पर्वत, बाग्लुङ र नवलपुर गरी ६ जिल्लाले उपाधिको लागि प्रतिस्पर्धा गर्ने छन् । प्रत्येक दिन दुई खेल खेलाउने निर्णय आयोजक बाग्लुङ क्रिकेट संघले गरेको छ । प्रतियोगिता विजेताले उपाधिसहित नगद १ लाख १ हजार १११ रुपैयाँ प्राप्त गर्ने छ । उपविजेता टोलीले नगद ५० हजार ५ सय रुपैयाँ प्राप्त गर्ने छ ।
म्यान अफ दि सिरिजले नगद पुरस्कार १० हजार प्राप्त गर्ने छ । त्यसैगरी बेष्ट बलर र बेष्ट व्याटरले नगद ५÷५ हजार रुपैयाँ पाउने छन् । म्यान अफ दि म्याच क्रिकेटरले नगद १ हजाा रुपैयाँ पाउने छन् । संघले क्रिकेट मैदानको लागि आवश्यक अध्ययन समेत गरिरहेको जनाएको छ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-पोखरा क्रिकेट एकेडेमीको आयोजनामा शुक्रबारदेखि पोखरामा छैटौँ संस्करणको ब्रेकिङ बाउन्ड्रीज छात्र÷छात्रा अन्तर विद्यालय टी–ट्वान्टी क्रिकेट प्रतियोगिता सुरु भएको छ । किडासा फाउण्डेशन र एमसिसीको सहयोग, कास्की जिल्ला क्रिकेट संघ र गण्डकी प्रदेश क्रिकेट संघको प्राविधिक सहयोगमा शुरु प्रतियोगिता…