पोखरा-केपी ओली टी–२० क्रिकेट प्रतियोगितामा दुई विभागीय टोलीले दुई प्रदेशसँग फाईनल प्रवेशको लागि बिहीबार प्रतिस्पर्धा गर्ने छन् । पहिलो खेल विभागिय टोली नेपाल आर्मी क्लबले र सन्दीप लामिछानेको कप्तानीमा रहेको बागमती प्रदेशसँग खेल्ने छ । दोश्रो खेल एपिएफ क्लव र मधेश प्रदेशसँग खेल्ने छ ।
बुधबार भएको लिगचरणको अन्तिम खेलमा आयोजक मदन भण्डारी स्पोर्टस एकेडेमी निलोलाई ९ विकेटले पराजित गर्दै कोशी प्रदेशले केपी ओली टी–२० क्रिकेट प्रतियोगितामा सन्त्वना जित आत्मसात गरेको छ । पोखरा रंगशाला क्रिकेट मैदानमा बुधबार भएको प्रतिस्पर्धामा खेलमा आयोजक निलोले दिएको ६८ रनको लक्ष्यलाई कोशीले १ विकेट गुमाउँदै ७.४ ओभरमा पुरा गरेको थियो । सबैभन्दा कम ओभरमा लक्ष्य पुरा गरेको प्रतियोगिताकै पहिलो हो ।
मदन भण्डारी स्पोर्टस एकेडेमीको आयोजनामा भईरहेको प्रतियोगितामा बुधबार टस हारेर व्याटिङ गरेको निलो १७.५ ओभरमा ६७ रनमा समेटिएको थियो । ओपनर रोनिम तिवारीलाई फिर्दोश अन्सारीले शून्य रनमा पेभिलियन फर्काए पछि आयोजक निलो दवावमा परेको थियो । अर्का ओपनर अर्जुन रायमाझीले व्यक्तिगत २४ रन जोडे । उनलाई सोनु मण्डलले आउट गरे । मेहुल श्रेष्ठ र अभय यादवले १०–१० रन र शुभम खनालले ९ रन जोडे । सर्वण यादवले ३ं.५ ओभरमा ८ रन दिएर ३ विकेट हात पारे । कमल खत्री र फिर्दोश अन्सारीले समान २–२ विकेट लिए ।
जवाफी व्याटिङमा उत्रिएको कोशीका लागि ओपनर सोनु अन्सारीले ३ चौका र ३ छक्का प्रहार गर्दै २२ बलमा ३५ रन बनाएपछि सहज जित सम्भव हुन पुग्यो । मिनाश थापाले ७ बलमा १८ रन बनाए भने अर्का ओपनर अंकित सुवेदी १४ रन जोडे । उनी शुभम खनालको बलमा आउट भए ।
पोखरा-छ वर्षपछि लेखनाथ भण्डारढीकको आदर्श युवा क्लब फुटबल कर्ममा फर्किने तयारीमा छ । सन २०१८ मा २४ औं संस्करणको आदर्श कप फुटबल प्रतियोगिता आयोजनापछि सुस्ताएको क्लबले फेरी नकाउट फुटबल प्रतियोगिता आयोजनासँगै सक्रिय बन्दै छ । वर्षेनी महिलाहरुको पर्व…
पोेखरा-गण्डकी प्रदेश सरकारका सामाजिक विकास, युवा तथा खेलकुद मन्त्री विन्दुु कुमार थापाले राष्ट्रिय खेलकुद परिषद र संघीय सरकारका गण्डकी प्रदेश भित्र रहेका खेलकुद पूर्वाधारहरुको निर्माण र मर्मत सम्भारसँगै व्यवस्थापनमा प्रदेश सरकार र प्रदेश खेलकुद परिषदसँग समन्वय गनुपर्ने आवश्यकता…