पीएन क्याम्पसममा आयोजित खेलकुद प्रतियोगिता सकियो

पोखरा-पृथ्वीनारायण (पीएन) क्याम्पसको विद्यार्थी कल्याण तथ खेलकुद शाखाको संयोजनमा आयोजित अन्तरसंकाय खेलकुद प्रतियोगिता आइतबार सकिएको छ ।

अन्तरसंकाय खेलकुद प्रतियोगिताका संयोजक तथा क्याम्पस विद्यार्थी कल्याण प्रमुख बोधराज ढकालका अनुसार पाँचदिनसम्म चलेको प्रतियोगितामा पाँचकिलोमिटरको सडक दौड, छात्र क्रिकेट, भलिबल, बास्केटबल र फुटबलका खेलहरु भएका थिए ।

प्रतियोगिताम सेभेन ए साइड छात्रा फुटबलमा बिएएलएलबी प्रथम र बिबिए टिम दोस्रो भएको थियो । त्यस्तै छात्र फुटबलतर्फ बिबिएस ‘बि’ टिम प्रथम र बिबिएस ‘ए’ टिम दोस्रो भएको थियो । त्यस्तै छात्रा भलिबलमा बिएड प्रथम र बिबिए द्वितीय, छात्र भलिबलमा बिबिएस प्रथम र बिएड द्वितीय, छात्रा बास्केटबलतर्फ बिएस्सी प्रथम र बिबिए द्वितीय, छात्रतर्फ बिए र बिसिएको टिम प्रथम र बिबिएस द्वितीय छात्र क्रिकेटमा बिएएलएलबी प्रथम र बिएस्सी द्वितीय भएका थिए ।

प्रतियोगिता समापन समारोहका प्रमुख अतिथि वनविज्ञान अध्ययन संस्थानका डिन प्राडा वीरबहादुर खनाल क्षेत्री सहित क्याम्पस प्रमुख प्राडा सरोज कोइराला लगायत, प्राक्यापक तथा विद्यार्थी प्रतिनिधिले विजेता टिमलाई पुरस्कार दिएका थिए । पुरस्कार वितरण समारोहमा पुरस्कृत खेलाडिलाई मेडल, प्रमाणपत्र, नगद पुरस्कार र ट्रफी प्रदान गरिएको थियो । उक्त अवसरमा प्रमुख अतिथि खनालले प्रतियोगिताको स्वरुप र संचालनको प्रशंसा गरेका थिए ।