लनर्स एकेडेमीमा स्पोर्टस मिट

- खेलाडी न्युज, पोखरा


     खेलाडी न्युज    
     माघ २६ गते २०८० मा प्रकाशित


पोखरा-पोखरा ७ माछापुच्छ्रे टोलमा रहेको पोखरा लनर्स एकेडेमीको १७ औं स्पोर्टस मिट सम्पन्न भएको छ । स्वास्थ्यको लागि खेलकुद, राष्ट्रका लागि खेलकुद मुख्य नारासहित १७ औं स्पोर्ट मिट सकिएको विद्यालयले जनाएको छ ।

पोखरा लनर्स एकेडेमीमा ३ दिन अघि सुरु भएको खेलकुद प्रतियोगितामा अन्तरसदनात्मक तथा समूहगत प्रतियोगिता भएको थियो । विद्यालय सञ्चालक समितिका अध्यक्ष ईश्वर बन्धु गौतमको अध्यक्षतामा सुरु भएको वार्षिक कार्यक्रममा डोरी तान्ने प्रतियोगिता चेस, लङ जम्प, दौड, सटफुट, रिले दौड लगायतका खेलहरुमा प्रतिस्पर्धा गराईएको थियो ।

खेल प्रतियोगताको समापन सभामा प्रिन्सिपल विधान गौतमले टिमस्प्रिड, एकता, आपसी भाइचारा र विद्यार्थीको अनुशासनलाई मजवुद बनाउन नियमित अभ्यास गराउने बताए । तीनदिनसम्म कक्षा नर्सरीदेखि १० सम्मका विद्यार्थीबीच भएको विभिन्न प्रतियोगितामा विद्यालयका भाइस प्रिन्सिपल उष्णा गौतम, शिक्षक आदर्श घिमिरे र कमला गुरुङ लगायतले सहजीकरण गरेका थिए ।