पोखरा-भ्याली स्पोर्टस क्लब र एलजी एशोसियसन बलराम केसी स्मृति कास्की जिल्ला लिग फुटबल प्रतियोगिताको फाईलन प्रवेश गरेका छन् । शुक्रबार भएको प्रतिस्पर्धामा भ्याली स्पोर्टस क्लबले हेमजा युनाईटेडलाई १–० गोलले पराजित गर्दै फाईनल प्रवेश गरेको हो ।
कास्की जिल्ला फुटबल संघको आयोजनामा भएको लिगमा भ्यालीका लागि अभिषेक थापाले २६ औं मिनेटमा गरेको निर्णायक गोलमा फाईनल प्रवेश गरेको हो ।
यसैगरी दोस्रो सेमिफाईनल खेलमा एलजी एशोसियसनले नवआर्दश सामुदायिक विकास समाजलाई २–१ गोलले पराजित गर्दै फाईनल सुरक्षित गर्यो ।
दोस्रो हाफमा उत्कृष्ट कमब्याक गर्दै एलजीले फाईनल प्रवेश गर्दा नवआदर्श सामुदायिक विकास समाज भने निराश हुन पुग्यो । खेलको ७ औं मिनेटमा गोल गर्दै अग्रता लिएको नवआर्दशले दोस्रो हाफमा लय गुमायो । रोशन छन्त्यालले पेनाल्टीबाट अग्रता दिलाएका थिए ।
तर एलजीले खेलको ४८ औं मिनेटमा गोल गर्दै खेलमा फर्कियो । मनोज गुरुङले गोल गर्दै खेलमा फर्काए । त्यस्तै आशिक गुरुङले ७६ औं मिनेटमा निर्णायक गोल गर्दै जित पक्का बनाए । उपाधिको लागि आईतबार खेल्ने छन् ।
बलराम केसी स्मृति प्रतिष्ठानसँगको सहकार्यमा आयोजित जिल्ला लिगमा २१ क्लबले सहभागिता जनाएका थिए । विजेताले नगद १ लाख ११ हजार १ सय ११ रुपैयाा प्राप्त गर्ने छ । त्यसैगरी उपविजेताले ६६ हजार ६ सय ६६ रुपैयाँ प्राप्त गर्ने प्रतियोगिताका संयोजक एवं कास्की जिल्ला फुटबल संघका उपाध्यक्ष नरेन्द्रजंग गुरुङले जनाए ।
पोखरा–यही माघको २२ गतेदेखि पोखरा रंगशालामा आहा राराको २४ औं संस्करणको फुटबल प्रतियोगिता शुरु हुदैं छ । सहारा क्लबले आयोजना गर्ने मोफसलकै यो प्रतिष्ठित फुटबल प्रतियोगितालाई सहयोग गर्ने सहयोगी मन भने बढ्दै गएका छन् । केही दिन अघि…
पोखरा-विराटनगर किंग्सलाई ८ विकेटले पराजित गर्दै नेपाल प्रिमियर लिग (एनपीएल)मा जनकपुर बोल्ट्सले गर्दै सुखद शुरुवात गरेको छ । जितको हकदार बनाउने क्रमममा मिलान्था र हर्स ठाकरको महत्वपूर्ण साझेदारी रह्यो । मिलान्थाले ५३ बल खेल्दै ९ चौका र ३…